https://sputnik.az/20230405/makron-cine-gedib-fransa-emekdasligi-derinlesdirmek-isteyir-453408505.html

Makron Çinə gedib: Fransa əməkdaşlığı dərinləşdirmək istəyir

Makron Çinə gedib: Fransa əməkdaşlığı dərinləşdirmək istəyir

Sputnik Azərbaycan

Yelisey Sarayı məlumat verib ki, ümumilikdə Fransa prezidenti Çin lideri ilə müzakirələrə altı-yeddi saat sərf edəcək. 05.04.2023, Sputnik Azərbaycan

2023-04-05T13:18+0400

2023-04-05T13:18+0400

2023-04-05T14:07+0400

emmanuel makron

dünya xəbərləri

çin

səfər

https://cdnn1.img.sputnik.az/img/07e7/02/1c/452226575_0:160:3072:1888_1920x0_80_0_0_70b5724546cef1c27a199835b14b3131.jpg

BAKI, 5 aprel — Sputnik. Fransa Prezidenti Emmanuel Makron Çinə rəsmi səfərə gedib. Makronun səfəri aprelin 5-dən 8-dək davam edəcək, o, Pekinə və Çinin cənubundakı Quanqdonq əyalətinin Quançjou şəhərinə səfər edəcək. Makron üçün bu, Fransa prezidenti kimi Çinə üçüncü səfəridir. Çin Xarici İşlər Nazirliyinin sözçüsü Mao Nin daha əvvəl bildirmişdi ki, Çin Prezidenti Si Cinpin və Makron "Çin və Fransa, Çin və Avropa İttifaqı arasında müxtəlif sahələrdə əməkdaşlığı dərinləşdirmək və əsas beynəlxalq və regional həssas məsələlər ətrafında fikir mübadiləsi aparmaq üçün danışıqlar aparacaqlar. Eyni zamanda, Yelisey Sarayı məlumat verib ki, ümumilikdə Fransa prezidenti Çin lideri ilə müzakirələrə altı-yeddi saat sərf edəcək. Makron və Si Cinpin sonuncu dəfə 2022-ci ilin noyabrında İndoneziyada keçirilən G20 sammiti çərçivəsində görüşüb, Fransa prezidentinin Çinə sonuncu səfəri isə 2019-cu ildə baş tutub. Yelisey sarayı daha əvvəl qeyd edib ki, Çin hakimiyyəti ilə təmasları bərpa etməyin vaxtı çatıb və tərəflər qlobal məsələlər üzrə dialoqa yeni təkan vermək istəyirlər. Çin Xarici İşlər Nazirliyinin məlumatına görə, Makron Çinin Baş naziri Li Çian və Ümumçin Xalq Nümayəndələri Yığıncağı Daimi Komitəsinin sədri Çjao Leji ilə ayrıca görüşlər keçirəcək. Makronu səfərdə bir sıra iri şirkətlərin nümayəndələri müşayiət edirlər.

2023

xəbərlər

ru_AZ

emmanuel makron, çin, səfər