DÜNYA XƏBƏRLƏRİ
Dünyada baş verən ən önəmli hadisələr və aktual məqalələr

Kahramanmaraşda növbəti zəlzələ baş verib

© AP Photo / Bernat ArmangueTürkiyədə zəlzələnin fəsadları
Türkiyədə zəlzələnin fəsadları - Sputnik Azərbaycan, 1920, 15.02.2023
Abunə olmaq
Zəlzələ Kahramanmaraşın Göksun rayonunda, yerin təxminən 12,3 kilometr dərinliyində qeydə alınıb.
BAKI, 15 fevral — Sputnik. Türkiyənin Kahramanmaraş vilayətində 7,7 və 7,6 bal gücündə baş verən zəlzələlərdən sonra afterşoklar davam edir.
Bu barədə Türkiyənin Fövqəladə Halların İdarə Olunması Agentliyi (AFAD) məlumat yayıb.
Qeyd edilib ki, bu gün yerli vaxtla saat 09:25-ə qədər Kahramanmaraşda 7 afterşok qeydə alınıb ki, onların da ən böyüyü 4,6 bal gücündə olub.
Zəlzələ Kahramanmaraşın Göksun rayonunda, yerin təxminən 12,3 kilometr dərinliyində qeydə alınıb.
Xatırladaq ki, fevralın 6-da ocağı Kahramanmaraşın Pazarcık rayonu olan 7,7 maqnitudalı və 9 saat sonra episentri Elbistan rayonu olan 7,6 maqnitudalı iki zəlzələ olub. Güclü yeraltı təkanlardan sonra bölgədə 6,6 maqnitudayadək yüzlərlə afterşoklar qeydə alınıb. Təbii fəlakət Türkiyə və Suriyada böyük dağıntı və minlərlə itkilərə səbəb olub.
Zəlzələ nəticəsində 35 418 nəfər ölüb, 105 505 nəfər yaralanıb, hazırda 13 208 yaralının müalicəsi xəstəxanalarda davam etdirir.
İki zəlzələ, həmçinin Livan, Kipr, İraq, İsrail, İordaniya, İran və Misirdə hiss edilib.
Fevralın 6-da baş verən zəlzələ 1939-cu ildə 33 minə yaxın insanın ölümü ilə nəticələnən Ərzincan zəlzələsini geridə qoyaraq Türkiyə tarixində ən ölümcül təbii fəlakət olub.
Xəbər lenti
0