https://sputnik.az/20230208/mirzoyan-ceyhun-bayramovla-goruse-hazir-oldugunu-deyir-451539860.html

Mirzoyan Ceyhun Bayramovla görüşə hazır olduğunu deyir

Mirzoyan Ceyhun Bayramovla görüşə hazır olduğunu deyir

Sputnik Azərbaycan

Ermənistan xarici işlər naziri bildirib ki, İrəvanla Moskva arasında münasibətlərdə böhran yoxdur, lakin bəzi məsələlərdə fikir ayrılıqları var. 08.02.2023, Sputnik Azərbaycan

2023-02-08T14:32+0400

2023-02-08T14:32+0400

2023-02-08T15:20+0400

ceyhun bayramov

siyasət

sergey lavrov

ararat mirzoyan

https://cdnn1.img.sputnik.az/img/07e6/05/0c/441873150_0:94:1280:814_1920x0_80_0_0_24062a010aec9c59c293dc15e522dda4.jpg

BAKI, 8 fevral — Sputnik. Ermənistan tərəfi dekabrın sonunda Moskvada keçiriləcək Ermənistan, Rusiya və Azərbaycan XİN rəhbərlərinin görüşünü ləğv etməyib, təxirə salıb və onu "müəyyən əlverişli vaxtda" keçirməyə hazırdır. Bu barədə Xorvatiyanın xarici işlər naziri Qordan Qrlix-Radmanla birgə mətbuat konfransında Ermənistan xarici işlər naziri Ararat Mirzoyan bildirib. "Biz Moskvadakı görüşü ləğv etməmişdik, lakin təxirə salmışdıq. Bu təxirə salınmış görüşü müəyyən münasib vaxtda keçirəcəyik. Görüşlər Moskvada və ya başqa şəhərdə keçirilə bilər. Yer seçimi vacibdir, lakin bunun prosesə o qədər də ciddi təsiri yoxdur", - Mirzoyan deyib. Ermənistan xarici işlər naziri onu da əlavə edib ki, İrəvanla Moskva arasında münasibətlərdə böhran yoxdur, lakin bəzi məsələlərdə fikir ayrılıqları var. "Lakin bunu böhran adlandırmaq həddən artıq şişirtmədir. Biz həmişə rusiyalı tərəfdaşlarımızla əlaqə saxlayırıq, gündəliyimizdəki məsələləri müzakirə edirik", - deyə o əlavə edib. Xatırladaq ki, ötən ilin dekabrın 23-də Moskvada Azərbaycan və Ermənistan xarici işlər nazirlərinin sülh müqaviləsi üzrə görüşü planlaşdırılıb, lakin erməni tərəfi Ermənistanın xarici işlər naziri Ararat Mirzoyanın səfərini ləğv edib.Digər maraqlı xəbərləri həmçinin Sputnik Azərbaycan-ın Teleqram kanalından izləyin.

2023

xəbərlər

ru_AZ

ceyhun bayramov, sergey lavrov, ararat mirzoyan