Вид на Москву-реку, фото из архива - Sputnik Azərbaycan, 1920
RUSİYA
Rusiya Federasiyasına dair aktual məqalələr

Antonovdan sərt açıqlama: ABŞ tankları məhv ediləcək

© Sputnik / Илья Питалев / Mediabanka keçidAnatoli Antonov
Anatoli Antonov  - Sputnik Azərbaycan, 1920, 25.01.2023
Xəbərlərə abunə olun
НовостиTelegram
Şübhə yoxdur ki, M1 "Abrams"ın Kiyevə təhvil verilməsi ilə bağlı qərar qəbul olunarsa, NATO texnikasının bütün digər nümunələri məhv edildiyi kimi, Amerika tankları da hərbçilərimiz tərəfindən məhv ediləcək.
BAKI, 25 yanvar — Sputnik. Rusiya ordusu ABŞ-ın M1 "Abrams" tanklarını, eləcə də NATO ölkələrinin digər hərbi texnikasını Ukraynaya tədarük edəcəyi təqdirdə məhv edəcək. Bunu Rusiyanın Vaşinqtondakı səfiri Anatoli Antonov deyib.
"Ukrayna böhranı zamanı ABŞ administrasiyası Kiyev rejiminə əhəmiyyətli dərəcədə silah və texnikanın çatdırılması ərəfəsində mediada məlumat yaymaq üsulundan dəfələrlə istifadə edib. Vaşinqtonun bütün hərəkət ardıcıllığının təhlili göstərir ki, Amerikalılar daim öz marionetlərinə hərbi yardımın "həddini" yüksəldirlər. Bu, Rusiya Silahlı Qüvvələrinin yeni qələbələr qazandığı və Rusiya ərazisini inamla nasist təhlükəsindən azad etdiyi zaman xüsusilə aydın görünür", - Antonov bildirib.
"Şübhə yoxdur ki, M1 "Abrams"ın Kiyevə təhvil verilməsi ilə bağlı qərar qəbul olunarsa, NATO texnikasının bütün digər nümunələri məhv edildiyi kimi, Amerika tankları da hərbçilərimiz tərəfindən məhv ediləcək. Görünən odur ki, Vaşinqton məqsədyönlü şəkildə Rusiyanı strateji məğlubiyyətə uğratmağa çalışır", - səfir vurğulayıb.
Onun sözlərinə görə, Vaşinqton administrasiyası Krıma hücum etmək üçün Amerikanın yardımından istifadə etməyə yaşıl işıq yandırır və radikalların Donbas, Zaporojye və Xerson vilayətlərinin əhalisinə qarşı cinayətlərini ört-basdır edir. Amerikada getdikcə daha çox məmur və ekspert etiraf edir ki, bizim ölkəmizlə "etibarnamə əsasında müharibə" aparılır", - deyə Antonov bildirib.
O əlavə edib ki, tankların Ukraynaya mümkün daşınması Rusiyaya qarşı növbəti açıq təxribat olacaq. "Əgər Birləşmiş Ştatlar tank tədarük etmək qərarına gəlsə, o zaman belə bir addımı müdafiə silahları ilə bağlı arqumentlərlə əsaslandırmaq birmənalı nəticə verməyəcək. Bu, Rusiya Federasiyasına qarşı növbəti açıq-aşkar təxribat olardı. Heç kimdə hazırkı münaqişədə əsl təcavüzkarın kim olması ilə bağlı illüziyalar olmamalıdır", - deyə səfir bildirib.
Xəbər lenti
0