https://sputnik.az/20230106/abs-ukrayna-etrafinda-siyasi-nizamlanmani-istemir---antonov-450379615.html

ABŞ Ukrayna ətrafında siyasi nizamlanmanı istəmir - Antonov

ABŞ Ukrayna ətrafında siyasi nizamlanmanı istəmir - Antonov

Sputnik Azərbaycan

Səfir "Bradley" piyada döyüş maşınının Ukraynaya təhvil verilməsini ABŞ-ın Rusiya tərəfinin dəfələrlə etdiyi çağırışlara məhəl qoymayacağının təsdiqi... 06.01.2023, Sputnik Azərbaycan

2023-01-06T11:05+0400

2023-01-06T11:05+0400

2023-01-06T11:05+0400

rf-in donbasın müdafiəsi üzrə xüsusi əməliyyatı

rusiya

abş

ukrayna

https://cdnn1.img.sputnik.az/img/41153/37/411533728_0:0:2785:1566_1920x0_80_0_0_e6e56f84eb6c68b12be163d998d782ba.jpg

BAKI, 6 yanvar — Sputnik. ABŞ Ukrayna ətrafında siyasi nizamlanmanı istəmir, Kiyevi silahla təmin edir, öz hərəkətləri ilə radikalları "yeni dəhşətli əməllərə" sövq edir. Bunu Rusiyanın ABŞ-dakı səfiri Anatoli Antonov bildirib. Diplomat deyib ki, ABŞ-dan gələn hər yeni hərbi yardımla Ukraynadakı radikallar daha çox cəzasızlıq hiss edirlər. "Xüsusi qəddarlıqla Rusiya Federasiyasının Donbas, Zaporojye və Xerson vilayətlərində dinc sakinləri öldürməyə davam edirlər", - deyə səfir bildirib. "Mövcud münaqişənin uzanmasına görə kimin məsuliyyət daşıdığına heç kimin şübhəsi olmamalıdır. ABŞ administrasiyasının bütün hərəkətləri açıq şəkildə siyasi tənzimləmə istəyinin olmamasından xəbər verir. Hətta Milad bayramında elan etdiyimiz birtərəfli atəşkəs də nəfəs almaq cəhdi adlandırılır. Bütün bunlar o deməkdir ki, Vaşinqton bizimlə son ukraynalıya qədər vuruşmaqda qərarlıdır və Ukrayna xalqının taleyi amerikalıları qətiyyən narahat etmir". O, elan olunmuş "Bradley" piyada döyüş maşınının Ukraynaya təhvil verilməsini ABŞ-ın Rusiya tərəfinin dəfələrlə etdiyi çağırışlara məhəl qoymayacağının təsdiqi adlandırıb. "Nəhayət, bütün dünya ictimaiyyətinə məlum olmalıdır ki, ABŞ 2014-cü ildən Kiyevdə nasist cinayətkarlarını dəstəkləyərək Rusiya ilə əsl müharibəyə başlayıb. Hər hansı müdafiə xarakterindən söhbət gedə bilməz", - deyə səfir vurğulayıb. Antonov bildirib ki, ABŞ başda olmaqla Qərb Rusiyanı zəiflətmək üçün məqsədyönlü işlərə Ukraynadakı xüsusi əməliyyatdan xeyli əvvəl başlayıb. Pentaqon daha əvvəl təsdiqləmişdi ki, ABŞ-ın Ukraynaya yeni hərbi yardım paketi cümə günü təqdim olunacaq, bu paketə "Bradley" piyada döyüş maşınları da daxildir. Ukraynada nə baş verir? Xatırladaq ki, Rusiya fevralın 24-də Ukraynada xüsusi hərbi əməliyyata başlayıb. Prezident Vladimir Putin onun məqsədini "səkkiz il ərzində Kiyev rejimi tərəfindən zorakılığa və soyqırıma məruz qalan insanların müdafiəsi" kimi ifadə edib. Bunun üçün, onun sözlərinə görə, "Ukraynanın demilitarizasiyası və denasifikasiyası"nın həyata keçirilməsi, Donbasda "mülki əhaliyə qarşı qanlı cinayətlərə" cavabdeh olan bütün hərbi cinayətkarların məsuliyyətə cəlb edilməsi planlaşdırılır. Rusiya Federasiyasının Müdafiə Nazirliyinin məlumatına görə, Silahlı Qüvvələr yalnız hərbi infrastruktura və Ukrayna qoşunlarına zərbələr endirir. Əməliyyatın keçirilməsi qərarı ABŞ və müttəfiqlərinin Rusiyaya qarşı yeni sanksiyalarının səbəbi olub. Bundan əvvəl məlum olub ki, Ağ Ev hesab edir ki, Moskva ilə danışıqlara başlamaq barədə Kiyev özü qərar verməlidir.

2023

xəbərlər

ru_AZ

rusiya, abş, ukrayna