Купюра номиналом в 200 AZN, фото из архива - Sputnik Azərbaycan, 1920
İQTİSADİYYAT
Sosial-iqtisadi gündəmə, maliyyə, biznes sahəsinə dair materiallar

Azərbaycanda kənd təsərrüfatının istehsalı artıb - DETALLAR

© Photo : Ministry of Agriculture (Azerbaijan)Kombayn, arxiv şəkli
Kombayn, arxiv şəkli - Sputnik Azərbaycan, 1920, 18.12.2022
Xəbərlərə abunə olun
НовостиTelegram
Kənd təsərrüfatının istehsalı 3,4 faiz, o cümlədən heyvandarlıq məhsulları üzrə 3,3 faiz, bitkiçilik məhsulları üzrə isə 3,4 faiz yüksəlib.
BAKI, 18 dekabr-Sputnik. 2022-ci ilin yanvar-noyabr ayları üzrə kənd təsərrüfatının ümumi məhsulunun faktiki qiymətlərlə dəyəri 10 milyard 383,8 milyon manat təşkil edib.
Dövlət Statistika Komitəsinin məlumatlarına görə, bunun da 4 milyard 952,5 milyon manatı heyvandarlıq, 5 milyard 431,3 milyon manatı isə bitkiçilik məhsullarının payına düşür.
Əvvəlki ilin müvafiq dövrü ilə müqayisədə kənd təsərrüfatının istehsalı 3,4 faiz, o cümlədən heyvandarlıq məhsulları üzrə 3,3 faiz, bitkiçilik məhsulları üzrə isə 3,4 faiz artıb.
Bitkiçilik
Hazırda kənd təsərrüfatı məhsullarının yığımı başa çatmaq üzrədir. 2022-ci il dekabr ayının 1-nə kimi dənli və dənli paxlalı bitkilərin (qarğıdalısız) əkin sahələrindən 2884,1 min ton və ya ötən ilin eyni dövrü ilə müqayisədə 6,2 faiz az məhsul götürülüb. Orta hesabla hər hektardan əldə edilmiş məhsul 30,4 sentner təşkil edib. Bundan əlavə, məhsulu toplanmış 30,5 min hektar qarğıdalı sahəsindən 248,7 min ton məhsul götürülüb.
Yığım başlanandan sahələrdən 1052,3 min ton və ya keçən ilin müvafiq dövrünə nisbətən 1,3 faiz çox kartof, 1810,2 min ton (1,2 faiz çox) tərəvəz, 468,7 min ton (1,9 faiz çox) bostan məhsulları, 1248,4 min ton (4,6 faiz çox) meyvə və giləmeyvə, 211,7 min ton (3,3 faiz çox) üzüm, 1000,9 ton (14,8 faiz az) yaşıl çay yarpağı, 203,7 min ton (8,7 faiz çox) şəkər çuğunduru, 299,1 min ton (10,1 faiz çox) pambıq, 28,9 min ton (12,2 faiz çox) günəbaxan və 4,3 min ton (32,3 faiz az) tütün yığılıb.
Heyvandarlıq
2021-ci ilin müvafiq dövrü ilə müqayisədə cari ilin yanvar-noyabr aylarında quş əti də daxil olmaqla diri çəkidə ət istehsalı 2,9 faiz artaraq 522,0 min ton, süd istehsalı 1,9 faiz artaraq 2036,3 min ton, yumurta istehsalı 8,0 faiz artaraq 1821,5 milyon ədəd, yun istehsalı 2,3 faiz azalaraq 15,6 min ton, barama istehsalı 31,4 faiz azalaraq 341,4 ton olub.
Xəbər lenti
0