https://sputnik.az/20221028/svecrede-kecirilen-film-festivalinda-azerbaycan-filmi-numayis-etdirilib-447947524.html

İsveçrədə keçirilən film festivalında Azərbaycan filmi nümayiş etdirilib

İsveçrədə keçirilən film festivalında Azərbaycan filmi nümayiş etdirilib

Sputnik Azərbaycan

Filmin təqdimatı çərçivəsində İsveçrədə yaşayan tanınmış rəqqasə Mariya Xan Xoyskaya "Sarı gəlin" Azərbaycan xalq mahnısını ifa edib. Onu isveçrəli musiqiçi... 28.10.2022, Sputnik Azərbaycan

2022-10-28T08:00+0400

2022-10-28T08:00+0400

2022-10-28T08:00+0400

film

mədəniyyət

https://cdnn1.img.sputnik.az/img/07e5/02/10/426239336_0:151:3077:1881_1920x0_80_0_0_3df8613d08d97812024bb087f4924688.jpg

BAKI, 28 oktyabr — Sputnik. İsveçrənin Bazel şəhərində keçirilən XVI "Cinema Querfeld" film festivalında azərbaycanlı rejissor İlqar Nəcəfin "Nar bağı" tammetrajlı bədii filmi təqdim olunub.Diasporla İş üzrə Dövlət Komitəsindən verilən məlumata görə, "Azərbaycanın Dostları" Birliyinin təşkilatçılığı ilə nümayiş etdirilən ekran əsəri isveçrəli izləyicilərdə maraq doğurub. Birlik filmin alman dilində altyazısını xüsusi olaraq bu festival üçün hazırlayıb.Qeyd edək ki, diaspor təşkilatlarının və isveçrəlilərin birlikdə hazırladığı "Cinema Querfeld" festivalında filmlər çəkildiyi dildə və almanca altyazılarla tamaşaçılara təqdim olunur.Filmin təqdimatı çərçivəsində İsveçrədə yaşayan tanınmış rəqqasə Mariya Xan Xoyskaya "Sarı gəlin" Azərbaycan xalq mahnısını ifa edib. Onu isveçrəli musiqiçi Yvette Baum müşayiət edib."Azərbaycanın Dostları" Birliyinin sədri Arzu Əliyeva Bodmer bildirib ki, rəhbərlik etdiyi təşkilat 2014-cü ildən etibarən hər il bu festivalda iştirak edir və Azərbaycan filmlərini isveçrəlilərə təqdim etməkdən qürur duyur.Tədbir çərçivəsində Azərbaycanın milli mətbəx nümunələri də nümayiş etdirilib.Məlumat üçün bildirək ki, "Nar bağı" filmi Anton Çexovun məşhur "Albalı bağı" pyesinin motivləri əsasında çəkilib. Hadisə əyalətlərdən birində baş verir. Şamilin (Qurban İsmayılov) iri nar bağı var, onu kəndin imkanlı adamlarından biri (Kazım Abdullayev) almaq istəsə də o, satmır. Onun oğullarından biri ölüb, digəri Qabil (Səmimi Fərhad) isə evlənib, sonra heç kəsə nəsə demədən ailəsini də atasının yanında qoyaraq Rusiyaya gedib. Baba gəlini Sara (İlahə Həsənova) və 11-12 yaşlı nəvəsi Cəlalla (Həsən Ağayev) yaşayır. Günlərin birində gözlənilmədən oğul qayıdır. O, atasına ailəsini Rusiyaya aparacağını deyir, nar bağını satdırır və pulu da götürərək ailəsindən gizlin tək Rusiyaya qayıdır. Çünki onun başqa ailəsi var və borcu olduğundan qızı girov götürülüb. Bu pul ona qızının xilası üçün lazımdır.Film 13-cü Avrasiya Beynəlxalq Film Festivalında mükafatlarla təltif olunub. Qurban İsmayılov filmdə ifa etdiyi roluna görə "Ən yaxşı kişi rolu", film isə "Münsiflər heyətinin xüsusi mükafatı" və FIPRESCI (Beynəlxalq Kinotənqidçilər Federasiyası) tərəfindən "Xüsusi vurğulama"ya layiq görülüb.Bundan başqa, "Nar bağı" filmi Astanada keçirilən festivalın əsas müsabiqə proqramında təqdim olunub. Filmin dünya premyerası Çexiyanın “Karlovy Vary” Beynəlxalq Film Festivalının "Qərbin Şərqi" müsabiqə proqramı çərçivəsində keçirilib.Azərbaycandan "Xarici dildə ən yaxşı filmə görə" Oskar mükafatına təqdim olunub.

2022

xəbərlər

ru_AZ

film