NEFT-QAZ
Neft, qaz, bütövlükdə energetika sahəsinə aid xəbərlər və məqalələr

Neft bahalaşır - Sabah OPEC-in toplantısı olacaq

© AFP 2023 / APU GOMESNeft buruğu, arxiv şəkli
Neft buruğu, arxiv şəkli - Sputnik Azərbaycan, 1920, 04.10.2022
Abunə olmaq
İnvestorların diqqəti sabah keçiriləcək OPEC+ toplantısına yönəlib. Toplantıda hasilatın gündəlik 1 milyon barel azaldılması nəzərdən keçiriləcək.
BAKI, 4 oktyabr — Sputnik. Dünya birjalarında neft qiymətləri bahalaşıb.
London birjasında "Brent" markalı neftin qiyməti 0,51 dollar artaraq 89,37 dollar, Nyu-York birjasında "Light" markalı neftin qiyməti isə 0,35 dollar bahalaşaraq 83,98 dollar olub.
Azərbaycan neftinin qiyməti 1,66 dollar artaraq 93,34 dollar olub.
Qeyd edək ki, neft bazarlarında bütün diqqətlər bu həftə keçiriləcək OPEC+ toplantısına yönəlib. Toplantıda hasilatın azaldılmasının gözləntilərdən də çox olacağı məlumatları nefti bahalaşdırır. OPEC+ toplantısı çərşənbə günü Avstriyanın paytaxtı Vyanada keçiriləcək. Mənbələr bildiriblər ki, OPEC+ koalisiyası hasilatı 1 milyon bareldən çox azaltmağı planlaşdırır. Əgər belə bir azalma olsa, bu, pandemiyadan bəri ən böyük azalma olacaq.
Azərbaycanın builki dövlət büdcəsində bir barel neftin orta qiyməti 85 dollardan götürülüb.
Xatırladaq ki, "Azeri Light" neftinin ən aşağı qiyməti 2020-ci il aprelin 21-də (15,81 dollar), maksimal qiyməti isə 2008-ci ilin iyulunda (149,66 dollar) qeydə alınıb.
Xəbər lenti
0