Нефтяные качалки, фото из архива - Sputnik Azərbaycan, 1920
NEFT-QAZ
Neft, qaz, bütövlükdə energetika sahəsinə aid xəbərlər və məqalələr

Azərbaycanın energetika naziri Rumıniyaya niyə gedib?

© Sputnik / Григорий Сысоев / Mediabanka keçidPərviz Şahbazov
Pərviz Şahbazov - Sputnik Azərbaycan, 1920, 21.09.2022
Xəbərlərə abunə olun
НовостиTelegram
Avropa İttifaqına üzv və qonşu ölkələrin nazirlərinin və neft-qaz şirkətlərinin nümayəndələrinin iştirak edəcəyi konfransda P.Şahbazovun çıxışı nəzərdə tutulur.
BAKI, 21 sentyabr — Sputnik. Energetika naziri Pərviz Şahbazov Rumıniyanın energetika naziri Virgil-Daniel Popeskunun dəvəti ilə Buxarestə səfər edib.
Bu barədə Energetika Nazirliyindən məlumat verilib.
Bildirilib ki, nazir 21-22 sentyabr tarixlərində təşkil olunacaq "5-ci Rumıniya Beynəlxalq Qaz Konfransı" beynəlxalq tədbirində iştirak edəcək.
Avropa İttifaqına üzv və qonşu ölkələrin nazirlərinin və neft-qaz şirkətlərinin nümayəndələrinin iştirak edəcəyi konfransda nazir P.Şahbazovun çıxışı və ikitərəfli görüşlərin keçirilməsi nəzərdə tutulur.
Xatırladaq ki, bu ilin 8 ayında Azərbaycanda 30,6 milyard kubmetr təbii qaz hasil edilib. Qazın 9 milyard kubmetri "Azəri-Çıraq-Günəşli"dən, 16,4 milyard kubmetri "Şahdəniz"dən, 5,2 milyard kubmetri SOCAR üzrə hasil olunub. Ötən ilin müvafiq dövrünə nisbətən 9,7 faiz, yəni 2,7 milyard kubmetr artımla qaz hasil edilib.
Hesabat dövründə xaricə qaz satışı 14,4 milyard kubmetr təşkil edib ki, bu da ötən ilin müvafiq dövrü ilə müqayisədə 23 faiz çoxdur. 8 ay ərzində Avropaya 7,3 milyard kubmetr, Türkiyəyə 5,4 milyard kubmetr, Gürcüstana isə 1,7 milyard kubmetr qaz satılıb.
Qeyd edək ki, bu müddətdə Türkiyəyə TANAP-la 3,7 milyard kubmetrə yaxın qaz nəql olunub.
Xəbər lenti
0