https://sputnik.az/20220916/nazir-muavininden-ermenilerin-xocalida-toretdiyi-yanginla-bagli-aciqlama-446122615.html

Nazir müavinindən ermənilərin Xocalıda törətdiyi yanğınla bağlı açıqlama

Nazir müavinindən ermənilərin Xocalıda törətdiyi yanğınla bağlı açıqlama

Sputnik Azərbaycan

Vüqar Kərimov bildirib ki, ermənilər təkcə insanlığa yox, təbiətə qarşı da vandal siyasətlərini davam etdirirlər. 16.09.2022, Sputnik Azərbaycan

2022-09-16T10:23+0400

2022-09-16T10:23+0400

2022-09-16T10:45+0400

yanğın

cəmiyyət

xocalı

https://cdnn1.img.sputnik.az/img/07e4/0a/17/425278476_0:0:1001:563_1920x0_80_0_0_0156cea38db654f36261c23e56be55ab.jpg

BAKI, 16 sentyabr — Sputnik. "Ermənilər bu dəfə də Xocalı istiqamətində, dağlıq ərazilərimizdə yanğınlar törətməklə öz riyakarlıqlarını, təkcə insanlığa deyil, həm də təbiətə qarşı düşmən mövqedə olduqlarını bir daha göstərmiş oldular".Bu sözləri Ekologiya və təbii sərvətlər nazirinin müavini Vüqar Kərimov bildirib.Nazir müavini deyib ki, bu cür hadisələr təbiətə qarşı cinayətdir, ekoloji terror aktıdır: "Təəssüf ki, düşmən tərəfinin törətdiyi bu yanğınları ürəkağrısız izləmək mümkün deyil. Yanğınlar Xocalı istiqamətində olduqca zəngin bioloji müxtəlifliyi, nadir və nəsli kəsilmək təhlükəsi olan bitki və heyvan növlərinin yaşayış məskənini dağıdır, bu yerlərə xas olan palıd, vələs, fıstıq, qovaq, tozağacı kimi cinslərə aid qiymətli meşələrin məhvinə səbəb olur. Ümumiyyətlə, ermənilərin törətdiyi yanğınlar ekosistemimizə böyük zərərlər vurur ki, bu da onların insanlığa və təbiətə düşmən münasibətinin bir daha təsdiqidir".Qeyd edək ki, bir müddət öncə Laçın şəhərinin, Zabux və Sus kəndlərinin Azərbaycanın nəzarətinə keçməsi ilə əlaqədar həmin yaşayış məntəqələrində qeyri-qanuni olaraq məskunlaşmış ermənilər meşələri yandıraraq həmin əraziləri tərk etdilər. Belə ki, Laçın şəhəri və ətraf ərazilərdə ermənilər tərəfindən törədilmiş 6 yanğın hadisəsi qeydə alınıb.

2022

xəbərlər

ru_AZ

yanğın, xocalı