Azərbaycan hərbçiləri, arxiv şəkli - Sputnik Azərbaycan, 1920, 16.11.2021
Azərbaycan-Ermənistan sərhədində vəziyyət
Vətən müharibəsindən sonra üçtərəfli bəyanatın imzalanması rəğmən sərhəddə erməni təxribatları səngimək bilmir. Ermənistanla sərhəddə son hadisələr barədə Sputnik Azərbaycan-ın süjetində oxuyun.

Ermənistan tərəfindən itkilərlə bağlı etiraf

© Sputnik / Mediabanka keçidErmənistanın baş naziri Nikol Paşinyan, arxiv şəkli
Ermənistanın baş naziri Nikol Paşinyan, arxiv şəkli - Sputnik Azərbaycan, 1920, 14.09.2022
Xəbərlərə abunə olun
НовостиTelegram
Azərbaycan Müdafiə nazirliyinin yaydığı məlumata görə, sentyabrın 12-si gecə və 13-ü səhər saatlarında Ermənistan silahlı qüvvələrinin təxribatının qarşısı alınarkən Azərbaycan Silahlı Qüvvələrinin 50 hərbi qulluqçusu şəhid olub.
BAKI, 14 sentyabr - Sputnik. Ermənistanın baş naziri Nikol Paşinyan ölkəsinin Azərbaycanla sərhəddə baş vermiş və hələ də davam edən qanlı toqquşmalarda həlak olmuş erməni hərbçilərinin sayını açıqlayıb. Ermənistan parlamentində çıxışı zamanı baş nazir Ermənistan-Azərbaycan sərhədində eskalasiya zamanı erməni tərəfinin 105 hərbi qulluqçusunun həlak olduğunu dilə gətirib.
Qeyd edək ki, Azərbaycan beynəlxalq humanitar hüquqa və humanizm dəyərlərinə sadiqliyini nümayiş etdirərək Ermənistanı atəşkəsə çağırır və cari ilin 12-13 sentyabr tarixlərində ölkəmizin ərazi bütövlüyünə qarşı təxribatın qarşısının alınması nəticəsində həlak olmuş 100-ə qədər Ermənistan hərbçisinin cəsədlərini birtərəfli qaydada qarşı tərəfə təhvil verməyə hazır olduğunu bildirib. Bu barədə Əsir və itkin düşmüş, girov götürülmüş vətəndaşlarla əlaqədar Dövlət Komissiyasının məlumatında deyilir.
Bildirilir ki, bununla əlaqədar Beynəlxalq Qızıl Xaç Komitəsi də məlumatlandırılıb.
Xatırladaq ki, Azərbaycan Müdafiə nazirliyinin yaydığı məlumata görə, sentyabrın 12-si gecə və 13-ü səhər saatlarında Ermənistan silahlı qüvvələri tərəfindən Azərbaycan-Ermənistan dövlət sərhədinin Daşkəsən, Kəlbəcər, Laçın və Zəngilan istiqamətlərində genişmiqyaslı təxribat törədilib.
Genişmiqyaslı təxribatın qarşısı alınarkən Azərbaycan Ordusundan 42, Dövlət Sərhəd Xidmətindən isə 8 hərbi qulluqçu olmaqla ümumilikdə Silahlı Qüvvələrin 50 hərbi qulluqçusu şəhid olub.
Xəbər lenti
0