Azərbaycan hərbçiləri, arxiv şəkli - Sputnik Azərbaycan, 1920, 16.11.2021
Azərbaycan-Ermənistan sərhədində vəziyyət
Vətən müharibəsindən sonra üçtərəfli bəyanatın imzalanması rəğmən sərhəddə erməni təxribatları səngimək bilmir. Ermənistanla sərhəddə son hadisələr barədə Sputnik Azərbaycan-ın süjetində oxuyun.

Paşinyan: "Ermənistan heç kimə dəhliz yaratmaq fikrində deyil"

© Sputnik / Ilya Pitalev / Mediabanka keçidPaşinyan
Paşinyan - Sputnik Azərbaycan, 1920, 13.09.2022
Abunə olmaq
Ermənistanın baş naziri bildirib ki, Azərbaycan da daxil olmaqla, regionun bütün ölkələrinin bu marşrutlardan istifadə edə biləcəyi yollar açmağa hazırdırlar.
BAKI, 13 sentyabr — Sputnik. Ermənistan öz ərazisində heç kimə dəhliz yaratmaq fikrində deyil, lakin bütün qonşuları, o cümlədən Azərbaycan üçün kommunikasiyalar açmağa hazırdır. Bunu parlamentdə Ermənistanın baş naziri Nikol Paşinyan deyib.
"Biz Ermənistan və Azərbaycan da daxil olmaqla, regionun bütün ölkələrinin bu marşrutlardan istifadə edə biləcəyi yollar açmağa hazırıq", - Paşinyan bildirib.
Xatırladaq ki, 2021-ci il yanvarın 11-də Rusiya, Ermənistan və Azərbaycan liderlərinin Moskvada keçirilən görüşündə regional kommunikasiyaların bərpa edilməsi barədə razılıq əldə olunub. Bu məqsədlə tərəflər üç ölkənin baş nazirinin müavinləri səviyyəsində regionda nəqliyyat və iqtisadi əlaqələrin qurulmasına nəzarət işçi qrupu yaratmaq qərarına gəliblər. İşçi qrupun son iclası sentyabrın əvvəlində Moskvada baş tutub.
Sentyabrın 12-də gecə saatlarında Ermənistan silahlı qüvvələrinin bölmələri Azərbaycan-Ermənistan dövlət sərhədinin Daşkəsən, Kəlbəcər və Laçın istiqamətlərində genişmiqyaslı təxribat törədib.
Ermənistan silahlı qüvvələrinin diversiya qrupları sutkanın qaranlıq vaxtında ərazinin dağlıq relyefi və mövcud dərə boşluqlarını istifadə edərək müxtəlif istiqamətlərdə Azərbaycan Ordusunun bölmələrinin mövqeləri arasındakı ərazilərin və təminat yollarının minalanmasını həyata keçirib.
Bu əməllərin qarşısının dərhal alınması məqsədilə bölmələrimiz tərəfindən görülən təxirəsalınmaz tədbirlər nəticəsində döyüş toqquşması baş verib.
Ermənistan silahlı qüvvələrinin Basarkeçər, İstisu, Qarakilsə və Gorus yaşayış məntəqələri istiqamətində yerləşən bölmələri tərəfindən Azərbaycan Ordusunun Daşkəsən, Kəlbəcər və Laçın rayonları ərazisindəki bəzi mövqeləri, sığınacaqlar və dayaq məntəqələri müxtəlif çaplı silahlar, o cümlədən minaatanlardan intensiv atəşə tutulub. Nəticədə şəxsi heyət arasında itkilər var, hərbi infrastruktura ziyan dəyib.
Xəbər lenti
0