Планета Земля - Sputnik Azərbaycan, 1920
DÜNYA XƏBƏRLƏRİ
Dünyada baş verən ən önəmli hadisələr və aktual məqalələr

Yaponiya keçmiş nazirin dəfninə 11 milyon dollardan çox pul xərcləyəcək

© AP Photo / Shizuo KambayashiYaponiyanın mərhum baş naziri Sindzo Abe
Yaponiyanın mərhum baş naziri Sindzo Abe - Sputnik Azərbaycan, 1920, 07.09.2022
Xəbərlərə abunə olun
НовостиTelegram
Abenin dövlət dəfn mərasiminə maksimum 6400 qonağın dəvət olunması nəzərdə tutulub.
BAKI, 7 sentyabr — Sputnik. Yaponiya hökuməti ölkənin keçmiş baş naziri Sindzo Abenin dövlət dəfn mərasimi üçün əlavə 1,4 milyard yen (9,97 milyon dollar) ayırmaq qərarı barədə məlumat verib. Bu barədə Rusiya mediası "The Mainichi" qəzetinə istinadən xəbər verir.
İlkin olaraq dəfn mərasiminin təşkili xərcləri 2 milyon dollardan çox olmayıb. Lakin sonra hökumət təhlükəsizlik və xaricdən gələn yüksək vəzifəli şəxslərin qəbulu üçün əlavə xərcləri qarşılamaq üçün dövlət mərasiminin büdcəsini artırmaq qərarına gəlib. Bununla da, Abenin dəfni Yaponiya büdcəsinə 11 milyon dollardan çox başa gələcək.
Mərasim sentyabrın 27-də baş tutacaq. Mərasimdə çoxlu xarici siyasətçilərin iştirakı gözlənilir.
Yaponiya mediasında Abenin dəfn mərasiminə Almaniyanın keçmiş kansleri Angela Merkel və ABŞ-ın keçmiş Prezidenti Barak Obamanın da dəvət oluna biləcəyi ilə bağlı xəbərlər dərc olunub.
Həmçinin bildirilib ki, Yaponiya hökuməti Abenin dövlət dəfn mərasiminə maksimum 6400 qonağı dəvət etməyi planlaşdırır.
Abe iyulun 8-də ona qarşı edilən sui-qəsddən sonra öldürülüb. Hücum edən Yaponiya Hərbi Dəniz Qüvvələrində xidmət edən 41 yaşlı yapon Tetsuya Yamaqami olub.
Təcavüzkar şəxs Abenin "Birlik kilsəsi" dini təşkilatı ilə əlaqədə olduğundan şübhələnib. Yamaqaminin sözlərinə görə, bu dini təşkilat onun ailəsinin dağılmasına səbəb olub, çünki Yamaqaminin anası təşkilata müntəzəm olaraq ianələr verib.
Xəbər lenti
0