Люди на Площади фонтанов в Баку - Sputnik Azərbaycan, 1920
CƏMİYYƏT
Cəmiyyətin həyatında baş verən aktual hadisələr

Yanğına məruz qalan meşələrin bərpası məqsədilə proqram hazırlanır

© pixabay / pixel2013Meşə, arxiv şəkli
Meşə, arxiv şəkli - Sputnik Azərbaycan, 1920, 06.09.2022
Xəbərlərə abunə olun
НовостиTelegram
İcra olunacaq proqram çərçivəsində ilkin olaraq yanğına məruz qalan sahələrin təmizlənərək meşəbərpa üçün hazır vəziyyətə gətirilməsi, şumlama işlərinin aparılması, çalaların qazılması, mümkün olan yerlərdə suvarma arxlarının çəkilməsi nəzərdə tutulub.
BAKI, 6 sentyabr — Sputnik. Payız ağac əkini mövsümündə yanğına məruz qalmış ərazilərdə meşəbərpa tədbirlərinin həyata keçirilməsi məqsədilə xüsusi proqram hazırlanır və əsas istiqamətlər müəyyənləşdirilir.
Meşələrin İnkişafı Xidmətinin rəisi Xalıqverdi Hüseynov bu barədə məlumat verib. Onun sözlərinə görə, proqramda bölgələr üzrə yanğına məruz qalmış sahələr təsnifatlandırılaraq bərpa işlərinin ümumi istiqaməti müəyyənləşdiriləcək və görüləcək işlər öz əksini tapacaq:
"Proqram çərçivəsində ilkin olaraq yanğına məruz qalan sahələrin təmizlənərək meşəbərpa üçün hazır vəziyyətə gətirilməsi, şumlama işlərinin aparılması, çalaların qazılması, mümkün olan yerlərdə suvarma arxlarının çəkilməsi, daha sonra hər bölgənin iqlim şəraitinə uyğun meşəcinsli ağacların əkilməsi, toxumların səpilməsi nəzərdə tutulub".
APA-nın xəbərinə görə, xidmət rəsmisi bildirib ki, səpində və əkində yerli meşə təsərrüfatlarının tinglik sahələrində tədarük edilmiş və yerli meşə şəraitinə uyğun Qafqaz vələsi, adi göyrüş, nəhəng ağcaqayın, palıd və s. meşəcinsli toxumlardan və tinglərdən istifadə olunacaq.
Xəbər lenti
0