https://sputnik.az/20220904/qazaxistanin-simalinda-mese-yanginlari-neticesinde-bir-nefer-olub-445668885.html
Qazaxıstanın şimalında meşə yanğınları nəticəsində bir nəfər ölüb
Qazaxıstanın şimalında meşə yanğınları nəticəsində bir nəfər ölüb
Sputnik Azərbaycan
Qazaxıstan hökuməti evlərini itirmiş vətəndaşlar üçün təcili olaraq yeni yaşayış binalarının tikintisi ilə bağlı işlərə başlamaq barədə göstəriş verib. 04.09.2022, Sputnik Azərbaycan
2022-09-04T10:49+0400
2022-09-04T10:49+0400
2022-09-04T11:49+0400
dünya xəbərləri
qazaxıstan
yanğın
ölüm
https://cdnn1.img.sputnik.az/img/07e6/06/18/443283308_0:312:3085:2047_1920x0_80_0_0_52362a2e753e4e9ee3e8a413a6208a72.jpg
BAKI, 4 sentyabr - Sputnik. Xilasedicilər Qazaxıstanın şimalındakı Kostanay vilayətinin kəndlərindən birində baş vermiş yanğın zamanı dağıntılar altından ölən bir nəfərin cəsədini çıxarıblar. Bu barədə ölkənin Fövqəladə Hallar Nazirliyinin rəhbəri Yuri İlyin bildirib.Cümə günü Qazaxıstanın şimalında meşə yanğını baş verib, şənbə günü yanğın yaxınlıqdakı kəndlərə yayılıb, oradan 1841 nəfər təxliyə edilib.Yanğın 100-dən çox evi yararsız hala salıb. Yanğınlar nəticəsində 3-ü Fövqəladə Hallar Nazirliyinin əməkdaşı olmaqla 10 nəfər xəsarət alıb.Son məlumatlara görə, yanğının sahəsi 9400 hektardır. Söndürmə işlərinə 600 nəfər, 91 texnika, üç təyyarə, beş yanğınsöndürmə qatarı cəlb olunub.Bazar günü səhər Lesnoye kəndində yanğınlar söndürülüb, Amankaraqay və Ozernoye kəndlərində isə lokallaşdırılıb."Bu gün səhər Amankaraqay kəndində dağıntıları təmizləyərkən bir nəfərin ölüm faktını aşkar etdik - bu, 1936-cı il təvəllüdlü əlildir", - deyə İlyin bazar günü brifinqdə bildirib.Nazirin sözlərinə görə, evakuasiya zamanı ərazi inspektoru kişiyə məlumat verib, lakin o, bundan imtina edib.“Lakin buna baxmayaraq, bir nəfərin ölümü faktı ilə bağlı istintaq tədbirləri aparılacaq”, - deyə o bildirib.Qeyd edək ki, Qazaxıstan hökumətinin respublikanın şimalındakı Kostanay vilayətində meşə yanğınları nəticəsində dəymiş zərərin ödənilməsi üçün ehtiyatdan vəsait ayıracağı bildirilir. Bu barədə Nazirlər Kabinetinin mətbuat xidməti məlumat yayıb.Hökumətin mətbuat xidmətinin məlumatına görə, baş nazir Əlixan Smailov bazar günü Kostanay vilayətində irimiqyaslı təbii yanğınların nəticələrinin aradan qaldırılması ilə bağlı operativ müşavirə keçirib.Eyni zamanda qeyd olunur ki, Smailov evlərini itirmiş vətəndaşlar üçün təcili olaraq yeni yaşayış binalarının tikintisi ilə bağlı işlərə başlamaq barədə göstəriş verib."Biz tez işləməliyik ki, tikintini tez başa çatdıraq. Bu məsələ prezidentin şəxsi nəzarətindədir", - mətbuat xidməti baş nazirin sözlərindən sitat gətirib.Bundan əlavə, hökumət başçısı Sənaye Nazirliyinə Kostanay vilayətinin zərər çəkmiş ərazilərində nəqliyyat əlaqələrinin bərpasını və bütün mühəndis və infrastruktur obyektlərinin fasiləsiz fəaliyyətini təmin etməyi tapşırıb. Kənd Təsərrüfatı Nazirliyi, zərurət yaranarsa, rayon rəhbərliyi ilə birlikdə zərər çəkmiş fermerlərə və şəxsi yardımçı təsərrüfat sahiblərinə köməklik göstərəcək.
Sputnik Azərbaycan
media@sputniknews.com
+74956456601
MIA „Rossiya Segodnya“
2022
Sputnik Azərbaycan
media@sputniknews.com
+74956456601
MIA „Rossiya Segodnya“
xəbərlər
ru_AZ
Sputnik Azərbaycan
media@sputniknews.com
+74956456601
MIA „Rossiya Segodnya“
Sputnik Azərbaycan
media@sputniknews.com
+74956456601
MIA „Rossiya Segodnya“
qazaxıstan, yanğın, ölüm
Qazaxıstanın şimalında meşə yanğınları nəticəsində bir nəfər ölüb
10:49 04.09.2022 (Yenilənib: 11:49 04.09.2022) Qazaxıstan hökuməti evlərini itirmiş vətəndaşlar üçün təcili olaraq yeni yaşayış binalarının tikintisi ilə bağlı işlərə başlamaq barədə göstəriş verib.
BAKI, 4 sentyabr - Sputnik. Xilasedicilər Qazaxıstanın şimalındakı Kostanay vilayətinin kəndlərindən birində baş vermiş yanğın zamanı dağıntılar altından ölən bir nəfərin cəsədini çıxarıblar. Bu barədə ölkənin Fövqəladə Hallar Nazirliyinin rəhbəri Yuri İlyin bildirib.
Cümə günü Qazaxıstanın şimalında meşə yanğını baş verib, şənbə günü yanğın yaxınlıqdakı kəndlərə yayılıb, oradan 1841 nəfər təxliyə edilib.
Yanğın 100-dən çox evi yararsız hala salıb. Yanğınlar nəticəsində 3-ü Fövqəladə Hallar Nazirliyinin əməkdaşı olmaqla 10 nəfər xəsarət alıb.
Son məlumatlara görə, yanğının sahəsi 9400 hektardır. Söndürmə işlərinə 600 nəfər, 91 texnika, üç təyyarə, beş yanğınsöndürmə qatarı cəlb olunub.
Bazar günü səhər Lesnoye kəndində yanğınlar söndürülüb, Amankaraqay və Ozernoye kəndlərində isə lokallaşdırılıb.
"Bu gün səhər Amankaraqay kəndində dağıntıları təmizləyərkən bir nəfərin ölüm faktını aşkar etdik - bu, 1936-cı il təvəllüdlü əlildir", - deyə İlyin bazar günü brifinqdə bildirib.
Nazirin sözlərinə görə, evakuasiya zamanı ərazi inspektoru kişiyə məlumat verib, lakin o, bundan imtina edib.
“Lakin buna baxmayaraq, bir nəfərin ölümü faktı ilə bağlı istintaq tədbirləri aparılacaq”, - deyə o bildirib.
Qeyd edək ki, Qazaxıstan hökumətinin respublikanın şimalındakı Kostanay vilayətində meşə yanğınları nəticəsində dəymiş zərərin ödənilməsi üçün ehtiyatdan vəsait ayıracağı bildirilir. Bu barədə Nazirlər Kabinetinin mətbuat xidməti məlumat yayıb.
Hökumətin mətbuat xidmətinin məlumatına görə, baş nazir Əlixan Smailov bazar günü Kostanay vilayətində irimiqyaslı təbii yanğınların nəticələrinin aradan qaldırılması ilə bağlı operativ müşavirə keçirib.
Eyni zamanda qeyd olunur ki, Smailov evlərini itirmiş vətəndaşlar üçün təcili olaraq yeni yaşayış binalarının tikintisi ilə bağlı işlərə başlamaq barədə göstəriş verib.
"Biz tez işləməliyik ki, tikintini tez başa çatdıraq. Bu məsələ prezidentin şəxsi nəzarətindədir", - mətbuat xidməti baş nazirin sözlərindən sitat gətirib.
Bundan əlavə, hökumət başçısı Sənaye Nazirliyinə Kostanay vilayətinin zərər çəkmiş ərazilərində nəqliyyat əlaqələrinin bərpasını və bütün mühəndis və infrastruktur obyektlərinin fasiləsiz fəaliyyətini təmin etməyi tapşırıb. Kənd Təsərrüfatı Nazirliyi, zərurət yaranarsa, rayon rəhbərliyi ilə birlikdə zərər çəkmiş fermerlərə və şəxsi yardımçı təsərrüfat sahiblərinə köməklik göstərəcək.
