Кабинет химии в школе, фото из архива - Sputnik Azərbaycan, 1920
TƏHSİL
Təhsilə dair xəbərlər və məqalələr

Qəzalı məktəblər barədə nazirdən açıqlama

© Sputnik / Ilham MustafayevTovuzun Qovlar şəhərində yerləşən qəzalı məktəb
Tovuzun Qovlar şəhərində  yerləşən qəzalı məktəb  - Sputnik Azərbaycan, 1920, 23.08.2022
Xəbərlərə abunə olun
НовостиTelegram
Emin Əmrullayev qeyd edib ki, planda kiçik komplektli məktəblərin tikilməsi var.
BAKI, 23 avqust — Sputnik. Elm və təhsil naziri Emin Əmrullayev yeni tədris ili ərəfəsi qəzalı məktəblərin təmiri və yenidən inşa olunması məsələsinə münasibət bildirib. Nazir bildirib ki, qəzalı məktəblərlə bağlı problemi birdən-birə aradan qaldırmaq mümkün deyil: "Qəzalı olan məktəblərimiz var. Lakin hamısını bir gündə təmir etmək mümkün deyil".
Onun sözlərinə görə, hər il 60-a yaxın məktəb təmir edilir və ya yenidən tikilir: "Həmçinin modul tipli məktəblər də tikilir. Hazırda kiçik komplektli məktəblərin tikilməsi üçün planlar var. Bu olsa, daha çox yeni məktəb tikə bilərik".
Nazir həmçinin ucqar yerlərdə müəllimlərin yerləşdirilməsi ilə bağlı məsələni də şərh edib: "4400 məktəbin təxminən 70 faizi bölgələrdə, kəndlərdə yerləşir. Ora kimsə gedib dərs deməlidir. Bizim müəllim problemimiz yoxdur, sadəcə ora getmək istəyi ilə bağlı problemimiz var. Təcrübə bunu göstərir ki, biz həmişə yerləri 97-98 faiz doldura bilirik. Ucqar yerlərdə işləyən müəllimlərə müvafiq həvəsləndirmə tədbirləri də tətbiq olunur, kompensasiyalar ödənilir".
Emin Əmrullayev işğaldan azad olunmuş bölgələrdə müəllimlərin işə qəbulundan da danışıb. Bildirib ki, artıq Zəngilanın Ağalı kənd məktəbinə də işə qəbul prosesinə başlanılıb: "Təbii ki, müvafiq keyfiyyət göstəricisinə cavab verən həmin bölgədən olan müəllimləri ora qaytarmaq prioritet məsələmizdir. Bununla bağlı ayrıca proqramımız, hesablamalarımız var".
Təhsil naziri Emin Əmrullayev - Sputnik Azərbaycan, 1920, 23.08.2022
TƏHSİL
Müəllim və məktəb direktorları artımdan sonra nə qədər maaş alacaqlar? Nazir açıqladı
Xəbər lenti
0