Портфель чиновника, фото из архива - Sputnik Azərbaycan, 1920
SİYASƏT
Ölkənin ictimai-siyasi həyatına, xarici siyasətə, beynəlxalq siyasi gündəmə dair məqalələr

Mövlud Çavuşoğlu Ermənistana xəbərdarlıq edib

© Sputnik / Mediabanka keçidMövlud Çavuşoğlu
Mövlud Çavuşoğlu - Sputnik Azərbaycan, 1920, 08.08.2022
Xəbərlərə abunə olun
НовостиTelegram
Türkiyə XİN rəhbəri bildirib ki, ölkəsi müharibə bitdikdən sonra Qarabağın yenidən qurulmasını dəstəkləyir.
BAKI, 8 avqust — Sputnik. "Qarabağ işğal altında olduğu zaman Türkiyə düzgün olanın, haqqın tərəfində idi. Döyüşlər başlayarkən Türkiyə Azərbaycan əsgərini dəstəklədi". Bu barədə Ankarada XIII Səfirlər Konfransında çıxışı zamanı Türkiyə xarici işlər naziri Mövlud Çavuşoğlu deyib.

"Qəhrəman Azərbaycan Ordusunun torpaqlarını işğaldan azad etməsinin ardından sürətlə bölgədə, regionda sülh üçün işlərə başlamışıq", - deyə Çavuşoğlu bildirib.

O qeyd edib ki, Türkiyə müharibə bitdikdən sonra Qarabağın yenidən qurulmasını dəstəkləyir. Nazir Ermənistanı təxribatlar törətməkdən çəkinməyə çağırıb.
Xatırladaq ki, Azərbaycan Respublikasının xarici işlər naziri Ceyhun Bayramov bu gün Türkiyəyə yola düşüb. XİN-dən bildirilib ki, Ceyhun Bayramov Türkiyə Respublikasının XIII Səfirlər konfransında çıxış etmək məqsədilə Ankara şəhərinə gedib.
Konfrans çərçivəsində müzakirə panelləri təşkil olunacaq. Səfirlər Türkiyə xarici siyasətini yaxından maraqlandıran regional və qlobal məsələləri müzakirə edəcək.
Türkiyə Prezidenti Rəcəb Tayyib Ərdoğan səfirləri qəbul edəcək.
Sloveniya Prezidenti Borut Paxor, ATƏT-in Baş katibi Helqa Şmitin tədbirdə iştirakı gözlənilir.
Xəbər lenti
0