Кабинет химии в школе, фото из архива - Sputnik Azərbaycan, 1920
TƏHSİL
Təhsilə dair xəbərlər və məqalələr

Yüksək texniki peşə təhsil səviyyəsi üzrə MİQ müsabiqəsinə başlanıb

© Photo : State Agency on Vocational EducationSənaye və İnnovasiyalar üzrə Bakı Dövlət Peşə Təhsil Mərkəzində
Sənaye və İnnovasiyalar üzrə Bakı Dövlət Peşə Təhsil Mərkəzində - Sputnik Azərbaycan, 1920, 06.08.2022
Xəbərlərə abunə olun
Yandex newsTelegram
Peşə təhsil müəssisələrinə sözügedən təhsil səviyyəsi üzrə müəllimlərin işə qəbulu 2 mərhələdən - Elektron müraciət mərhələsi və Müsahibə mərhələsindən ibarətdir.
BAKI, 5 avqust — Sputnik. Bu gündən etibarən peşə təhsil müəssisələrinə yüksək texniki peşə təhsil səviyyəsi üzrə tədrisi aparacaq müəllimlərin işə qəbulu müsabiqəsinə başlanılıb.
Bu barədə Peşə Təhsili üzrə Dövlət Agentliyi xəbər yayıb. Bildirilib ki, yüksək texniki peşə təhsil səviyyəsi üçün peşəkar müəllim heyətinin işə qəbulu Bakı, Gəncə, Bərdə, Qəbələ və Cəlilabad şəhərləri üzrə aparılacaq. Müsabiqə çərçivəsində yüksək texniki peşə təhsil səviyyəsi üzrə ümumilikdə 5 şəhər üzrə 35 vakant yer elan olunub.
Peşə təhsil müəssisələrinə sözügedən təhsil səviyyəsi üzrə müəllimlərin işə qəbulu 2 mərhələdən ibarətdir: Elektron müraciət mərhələsi və Müsahibə mərhələsi.
14 avqust saat 00:00-dək davam edəcək I mərhələ zamanı müraciətçilərin "Müraciət forması"nı bölmələr üzrə tam doldurması tələb olunur. Müraciət zamanı hər bir namizədə yalnız bir şəhər üzrə ən çoxu 2 vakansiya seçmək hüququ verilir.
Müsahibə mərhələsinə keçid almış uğurlu namizədlərlə anketdə qeyd edilən email ünvanı vasitəsilə müraciət müddəti bitdikdən sonra 10 gün ərzində əlaqə saxlanılacaq. Seçim zamanı müvafiq ixtisas üzrə təhsil və iş təcrübəsinə, təhsil müəssisəsində tədris təcrübəsinə, həmçinin xaricdə təhsilin olmasına üstünlük veriləcəkdir.
Qeyd edək ki, yüksək texniki peşə təhsil səviyyəsi üzrə müəllimlərin işə qəbul müsabiqəsində uğur qazanacaq namizədlər aşağıda qeyd olunan üstünlüklərdən faydalana biləcəklər.
Müasir infrastruktura malik təhsil müəssisələrində işləmək imkanı;
Yerli və beynəlxalq təlimlərdə iştirak;
Rəqabətli əmək haqqı;
Daimi və ya saat hesabı tədrisə cəlb imkanı.
Elan edilmiş vakant yerlər yüksək texniki peşə təhsil səviyyəsinin tədris olunacağı Sənaye və İnnovasiyalar üzrə Bakı Dövlət Peşə Təhsil Mərkəzi, Mədəniyyət və Sənətkarlıq üzrə Bakı Dövlət Peşə Təhsil Mərkəzi, Turizm və Sosial Xidmətlər üzrə Bakı Dövlət Peşə Təhsil Mərkəzi, Sənaye və Texnologiyalar üzrə Gəncə Dövlət Peşə Təhsil Mərkəzi, Qəbələ Dövlət Peşə Təhsil Mərkəzi, Cəlilabad Dövlət Peşə Təhsil Mərkəzi və Bərdə Peşə Liseyində yer almaqdadır.
Xəbər lenti
0