SİYASƏT
Ölkənin ictimai-siyasi həyatına, xarici siyasətə, beynəlxalq siyasi gündəmə dair məqalələr

Türk dövlətləri Azərbaycanın Londondakı səfirliyinə hücum aktını pisləyiblər

© AP Photo / Matt DunhamLondon
London - Sputnik Azərbaycan, 1920, 05.08.2022
Abunə olmaq
Türk Dövlətləri Təşkilatı Azərbaycanın Londondakı səfirliyinə qarşı tprədilmiş vandalizm aktını hərtərəfli araşdırmağa çağırıb.
BAKI, 5 avqust — Sputnik. Türk Dövlətləri Təşkilatı Azərbaycanın Londondakı səfirliyinə hücumu pisləyib.
Bu barədə Türk Dövlətləri Təşkilatı məlumat yayıb. Təşkilatı bu hadisəni araşdırmağa çağırıb:
"Radikal dini qruplar tərəfindən Türk Dövlətləri Təşkilatının qurucu üzvü Azərbaycanın Londondakı səfirliyinə qarşı zorakı və qəbuledilməz hücumu pisləyirik. Biz bu vandalizm aktını hərtərəfli araşdırmağa çağırırıq".
Xatırladaq ki, 4 avqust 2022-ci il tarixində Azərbaycan Respublikasının Böyük Britaniya və Şimali İrlandiya Birləşmiş Krallığındakı səfirliyi bir qrup radikal dini dəstənin hücumuna məruz qalıb.
XİN-in yaydığı məlumata görə, səfirliyin binasına daxil olaraq, vandalizm aktı törədən qrup üzvləri binanın eyvanında dini bayraqlar qaldıraraq, radikal dini şüarlar səsləndiriblər.
Yerli polisin müdaxiləsindən sonra qrup üzvləri binadan çıxarılıb və saxlanılıb. Hadisə nəticəsində səfirliyin əməkdaşları xəsarət almayıb. Hadisə yerli hüquq mühafizə qurumları tərəfindən araşdırılır. Araşdırmanın nəticələri ilə bağlı əlavə məlumat təqdim ediləcək.
"Vyana Konvensiyasına uyğun olaraq, diplomatların və diplomatik binaların təhlükəsizliyinin təmin edilməsi ilə bağlı xəbərdarlıq tərəfimizdən diplomatik kanallar vasitəsilə Böyük Britaniya qurumlarının diqqətinə çatdırılıb", - XİN bildirib.
İlkin məlumatlara görə, Azərbaycanın Londondakı səfirliyinə hücumu Yasir əl-Həbib adlı şəxsin təşkil etdiyi ehtimal edilir.
Azərbaycan bayrağı - Sputnik Azərbaycan, 1920, 05.08.2022
CƏMİYYƏT
Cənubi azərbaycanlı güləşçi Azərbaycan səfirliyinə hücumla bağlı idmançılara çağırış edib
Xəbər lenti
0