CƏMİYYƏT
Cəmiyyətin həyatında baş verən aktual hadisələr

Bakıda fəhlə bədbəxt hadisə nəticəsində ölüb

© Sputnik / Kirill Braga / Mediabanka keçidfəhlə
fəhlə  - Sputnik Azərbaycan, 1920, 06.07.2022
Abunə olmaq
Ötən gün Bakı elektrik maşınqayırma zavodunda fəhlə işləyən Elfaq Rəhimovun dəmir parçasının dəyməsi nəticəsində aldığı xəsarətlərdən ölməsi barədə rayon prokurorluğuna məlumat daxil olub.
BAKI, 6 iyul — Sputnik. İyulun 5-də saat 18 radələrində Xəzər rayonu, Qala qəsəbəsi ərazisində fəhlə bədbəxt hadisə nəticəsində ölüb, cinayət işi açılıb.
Bu barədə Xəzər Rayon Prokurorluğundan məlumat verilib.
Qeyd olunub ki, həmin ərazidə yerləşən Bakı elektrik maşınqayırma zavodunda fəhlə işləyən 1985-ci il təvəllüdlü Elfaq Rəhimovun dəmir parçasının dəyməsi nəticəsində aldığı xəsarətlərdən ölməsi barədə rayon prokurorluğuna məlumat daxil olub.
Faktla bağlı Xəzər rayon prokurorluğunda Cinayət Məcəlləsinin 162.2-ci (əmək mühafizəsi qaydalarını pozma ehtiyatsızlıqdan insan ölümünə səbəb olduqda) maddəsi ilə cinayət işi başlanıb.
Hazırda iş üzrə istintaq davam etdirilir.
Xatırladaq ki, anoloji hadisə bir müddət öncə də baş verib. Belə ki, Bakıda gənc fəhlə dünyasını dəyişmişdi. Suraxanı rayonunda baş verən hadisə zamanı 25 yaşlı Ziyadxan adlı gənc (soyadı dəqiqləşdirilir-red) tikinti zamanı ehtiyatsızlıqdan yıxılaraq ağır xəsarətlər almışdı.
Yaralı təcili tibbi yardımın köməkliyi ilə xəstəxanaya çatdırılıb. Həkimlərin səyinə baxmayaraq, onun həyatını xilas etmək mümkün olmamışdı.
Xəbər lenti
0