Планета Земля - Sputnik Azərbaycan, 1920
DÜNYA XƏBƏRLƏRİ
Dünyada baş verən ən önəmli hadisələr və aktual məqalələr

İranda qatar faciəsi: 17 nəfər ölüb, onlarla yaralı var

CC BY-SA 4.0 / Tasnim News Agency / Derailment İranda yoldan çıxmış qatar
İranda yoldan çıxmış qatar - Sputnik Azərbaycan, 1920, 08.06.2022
Xəbərlərə abunə olun
Yandex newsTelegram
Ölkənin Qırımızı Aypara Cəmiyyətinin nümayəndəsi bildirib ki, qatarın relsdən çıxması nəticəsində azı 17 nəfər ölüb.
BAKI, 8 iyun — Sputnik. İranın şimal-şərqində yerləşən Tabas şəhərindən təxminən 50 km aralı Mazinou dəmiryol stansiyasında sərnişin qatarının relsdən çıxması nəticəsində azı 17 nəfər ölüb, 50-yə yaxın sərnişin yaralanıb. Sərnişin qatarının ekskavatorla toqquşduğu bildirilir.
TASS xəbər verir ki, bu barədə İran Qırımızı Aypara Cəmiyyəti Cənubi Xorsan idarəsinin direktoru Müctəba Xaledi bildirib.
O, yaralılardan 15-nin vəziyyətinin ağır olduğunu qeyd edib.
Hadisə nəticəsində ölənlərin və yaralananların sayının artacağı gözlənilir. Məlumata görə, hadisə zamanı qatarda 348 sərnişin olub.
Hadisə yerinə xilas edicilər və tibb xidməti əməkdaşları cəlb olunublar.
Qəzanın səbəbi araşdırılır.
Digər maraqlı xəbərləri həmçinin Sputnik Azərbaycan-ın Teleqram kanalından izləyin.
Xəbər lenti
0