https://sputnik.az/20220602/turkiye-parlamentinin-sedri-azerbaycandadir-442446083.html

Türkiyə parlamentinin sədri Azərbaycandadır

Türkiyə parlamentinin sədri Azərbaycandadır

Sputnik Azərbaycan

Ali qonağın iştirak edəcəyi tədbirdə Avropadan, Orta Asiyadan və digər ölkələrdən alimlər iştirak edəcəklər. 02.06.2022, Sputnik Azərbaycan

2022-06-02T10:57+0400

2022-06-02T10:57+0400

2022-06-02T10:57+0400

siyasət

türkiyə

parlament

rəhbər

https://cdnn1.img.sputnik.az/img/07e4/0a/14/425250012_0:61:1000:624_1920x0_80_0_0_b2e7a8cec115f988447ad7e395788b46.jpg

BAKI, 2 iyun — Sputnik. Türkiyə Böyük Millət Məclisinin sədri Mustafa Şentopun rəhbərlik etdiyi nümayəndə heyəti "İNCSOS-Qarabağ" 7-ci Beynəlxalq Sosial Elmlər Konqresində iştirak etmək üçün iyunun 2-də Azərbaycana səfərə gəlib.Azərbaycanın və Türkiyənin Dövlət bayraqlarının dalğalandığı Heydər Əliyev Beynəlxalq Aeroportunda Türkiyə parlamentinin nümayəndə heyətini Milli Məclis sədrinin müavini Fazil İbrahimli, Türkiyə ilə parlamentlərarası dostluq qrupunun rəhbəri Əhliman Əmiraslanov, ölkəmizin Türkiyədəki səfiri Rəşad Məmmədov, Türkiyənin Azərbaycandakı səfiri Cahit Bağçı və digər rəsmi şəxslər qarşılayıblar.Qeyd edək ki, tədbir Beynəlxalq Balkan Universiteti və ADA Universitetinin birgə təşkilatçılığı ilə keçirilir.Xatırladaq ki, Konqresə hazırlıq çərçivəsində mart ayının 11-də Beynəlxalq Balkan Universitetinin rektoru professor Mehmet Dursun Erdem, Tokat Qaziosmanpaşa Universitetinin rektoru professor Bünyamin Şahin Azərbaycanda səfər etmişdilər.Konqresdə Avropadan, Türkiyədən, Orta Asiyadan, digər ölkələrdən alimlər iştirak edəcəklər. Azərbaycanın Qarabağ zəfərinin türk dünyasında böyük sevinc yaşatdığını vurğulayan Mehmet Dursun Erdem Sosial Elmlər Konqresi çərçivəsində elmi müzakirələrlə yanaşı, Qarabağla bağlı həqiqətlərin də alimlərin nəzərinə çatdırılacağını vurğulayıb.Digər maraqlı xəbərləri həmçinin Sputnik Azərbaycan-ın Teleqram kanalından izləyin.

2022

xəbərlər

ru_AZ

türkiyə, parlament, rəhbər