https://sputnik.az/20220331/nsanlar-bir-unvani-tapmaq-ucun-saatlarla-kuce-axtarirlar--440625204.html

İnsanlar bir ünvanı tapmaq üçün saatlarla küçə axtarırlar

İnsanlar bir ünvanı tapmaq üçün saatlarla küçə axtarırlar

Sputnik Azərbaycan

Tovuzda şəhərin küçələrində də bu cür adsız lövhələrə, yaxud oxunması çətin olan adlara hər an rast gəlmək mümkündür. 31.03.2022, Sputnik Azərbaycan

2022-03-31T09:30+0400

2022-03-31T09:30+0400

2022-03-31T09:30+0400

küçə

cəmiyyət

tovuz

https://cdnn1.img.sputnik.az/img/07e6/03/1e/440624976_0:0:1920:1080_1920x0_80_0_0_43c1c7a96c6d002ee804afefbd499093.jpg

BAKI, 30 mart — Sputnik. İnsanlar şəhər küçələrində mənzilləri küçə adları və evlərin nömrələri ilə axtarırlar. Küçənin adlarını bildirən lövhələrdə bu adlar oxunmaz olduqda, nömrələr də olmadıqda iş müşkülə çevrilir. Tovuzun küçələrində bu cür adsız lövhələrə, yaxud oxunması çətin olan adlara hər an rast gəlmək mümkündür. Lövhələrə yazılan adlar illər keçdiyindən, bəzən də uşaqların dəcəlliyi üzündən pozulub, yaxud hansısa hərfləri düşüb və ya qoparılıb. Nəticədə sakinlər bəzən heç yaşadıqları küçənin adını bilmirlər. Sputnik Azərbaycan-ın bölgə müxbiri bu cür küçələrdə yaşayan insanların fikirləri ilə maraqlanıb.Küçə sakinləri deyirlər ki, lövhələrin oxunmaz halda olması əsasən poçt işçiləri və şəhərə gələn qonaqlar üçün çətinlik yaradır. Ünvanı axtarıb tapmaq üçün bəzən xeyli zaman sərf etməli olurlar. Şəhər sakini Tanrıverdi Məmmədov bu səbəbdən lövhələrin bərpasının gərəkli olduğunu bildirib:“Ordan-burdan gələnlər soruşublar ki, bura haradır, hansı küçədir? Bir ünvanı tapmaq üçün saatlarla vaxt sərf edirlər. Özümüz də tanımadığımız küçəyə gedəndə eyni əziyyəti çəkirik. Yoldan keçən adama möhtac oluruq ki, ünvanı dəqiqləşdirək. Bəzən günün elə vaxtı olur heç küçədə insan da tapmaq olmur. Buna görə də hər küçədə lövhələr yapışdırılmalıdır, pozulanlar bərpa olunmalıdır”.Digər sakin Nizami Hüseynov isə deyir ki, küçə adları kağızla yapışdırıldığından, tez sıradan çıxır:“Əvvəllər küçənin adları rəngli boya ilə yazılırdı və uzun müddət silinmirdi. İndi yapışqanlı kağızla yapışdırılır. Ona görə də tezliklə qopur, oxumaq mümkün olmur. Yaxşı olar, bu işlə məşğul olan təşkilatlar həmin lövhələri rəngli boya ilə yazsınlar ki, uzun müddət pozulmasın. Ünvanı axtaran insanlar da əziyyət çəkməsinlər”.Eldar İbrahimov da küçə adlarının nizamlanmalı olduğunu dilə gətirib:“Taksi gələndə, ünvanı tapmır. Tanınmış bir restoranın, marketin adını deyirlər ki, ondan 3 ev bu yana gedib dönməlisən, yaxud, 5 ev o tərəfə gedib tapmalısan. Oxunmayan lövhələr təzələnsə, olmayanların yerinə isə yeniləri vurulsa, yaxşı olar".Tovuz rayon icra hakimiyyəti başçısının Tovuz şəhər inzibati ərazi dairəsi üzrə nümayəndəliyindən bildirilib ki, lövhələrin adlarının yenilənməsi və bərpası üçün məsələ qaldırılıb. "Abadlıq üçün ayrılan vəsaitin xərclənməsi üzrə tender keçirilərək, qalib müəssisələrlə müqavilə bağlanacaq və küçə adlarının hamısı yenilənəcək. Hər 50-100 metrdən bir küçə adları asılacaq", - deyə İcra hakimiyyətindən bildiriblər. Qeyd edək ki hazırda Tovuz şəhərində 104 küçə mövcuddur.Digər maraqlı xəbərləri həmçinin Sputnik Azərbaycan-ın Teleqram kanalından izləyin.

2022

xəbərlər

ru_AZ

küçə, tovuz