https://sputnik.az/20220223/xalq-artistinin-defn-olunacagi-yer-belli-oldu---vdeo-439493347.html
Xalq artistinin dəfn olunacağı yer bəlli oldu - VİDEO
Xalq artistinin dəfn olunacağı yer bəlli oldu - VİDEO
Sputnik Azərbaycan
Qeyd edək ki, Mədəniyyət Nazirliyi Xalq artisti Kamil Cəlilovun vəfatı ilə bağlı nekroloq yayıb. Nekroloqda Azərbaycanın mədəniyyət ictimaiyyətinə ağır itki üz... 23.02.2022, Sputnik Azərbaycan
2022-02-23T14:49+0400
2022-02-23T14:49+0400
2022-02-23T15:59+0400
dəfn
cəmiyyət
xalq artisti
https://cdnn1.img.sputnik.az/img/07e4/0c/0c/425703521_0:0:2537:1427_1920x0_80_0_0_28de26b663530651503c6b818349843a.jpg
BAKI, 23 fevral — Sputnik. Bu gün vəfat edən Xalq artisti Kamil Cəlilov ilə vida mərasimi saat 15:30-da Bakıxanov İmam Rza Məscidində baş tutacaq. Mədəniyyət Nazirliyindən Sputnik Azərbaycan-a verilən məlumata görə, mərhum bu axşam II Fəxri xiyabanda dəfn olunacaq.Qeyd edək ki, Mədəniyyət Nazirliyi Xalq artisti Kamil Cəlilovun vəfatı ilə bağlı nekroloq yayıb. Nekroloqda Azərbaycanın mədəniyyət ictimaiyyətinə ağır itki üz verdiyi bildirilib.Qeyd olunub ki, tanınmış qoboy ifaçısı, Xalq artisti, "Şərəf" və "Şöhrət" ordenli Kamil Cəlil oğlu Cəlilov ömrünün 84-cü ilində vəfat edib: "Kamil Cəlilov 29 yanvar 1938-ci il tarixində Bakı şəhərində anadan olub. O, Azərbaycan milli ifaçılıq məktəbinin istedadlı nümayəndəsi, özünəməxsus orijinal üslubu ilə fərqlənən mahir qoboy ifaçısı olub.Azərbaycan Dövlət Konservatoriyasını bitirdikdən sonra əmək fəaliyyətinə başlayan sənətçi öz istedadı və zəhmətsevərliyi sayəsində qısa müddət ərzində xalq musiqi incilərini dərindən öyrənib və 40 il ərzində öz ifaçılıq məharəti ilə milli musiqimizi zənginləşdirib.İstedadlı musiqiçi 1968-ci ildən başlayaraq uzun illər görkəmli pianoçu, Xalq artisti Gülarə Əliyevanın yaratdığı "Dan ulduzu" ansamblının solisti olub. Kollektivlə birgə Kamil Cəlilov Almaniyada, Avstriyada, Amerikada, Türkiyədə, Hindistanda, Əfqanıstanda, İordaniyada, Əlcəzairdə, Mərakeşdə, Norveçdə, İranda, İsraildə, Kanadada və dünyanın digər ölkələrində milli musiqi sənətimizi məharətlə təbliğ edib.Uzun illər ərzində İncəsənət Gimnaziyasında pedaqoji fəaliyyətlə məşğul olan Kamil Cəlilov milli ifaçılıq məktəbinin yüksək ənənələri əsasında səy və bacarığını gənc ifaçıların yetişdirilməsinə sərf edib".Kamil Cəlilovun milli mədəniyyətimizin inkişafında müstəsna xidmətlərinə görə dövlət tərəfindən daima diqqət və qayğıyla əhatə olunduğu vurğulanıb, onun Əməkdar artist, Xalq artisti fəxri adlarına, habelə Prezident təqaüdünə layiq görüldüyü deyilib: "Kamil Cəlilov 2013-cü ildə "Şöhrət", 2018-ci ildə isə "Şərəf" ordeni ilə təltif olunub.Kamil Cəlilovun əziz xatirəsi sənətsevərlərin, həmkarlarının və doğmalarının qəlbində əbədi yaşayacaq.Allah rəhmət eləsin!"
Sputnik Azərbaycan
media@sputniknews.com
+74956456601
MIA „Rosiya Segodnya“
2022
Sputnik Azərbaycan
media@sputniknews.com
+74956456601
MIA „Rosiya Segodnya“
xəbərlər
ru_AZ
Sputnik Azərbaycan
media@sputniknews.com
+74956456601
MIA „Rosiya Segodnya“
Sputnik Azərbaycan
media@sputniknews.com
+74956456601
MIA „Rosiya Segodnya“
dəfn, xalq artisti
Xalq artistinin dəfn olunacağı yer bəlli oldu - VİDEO
14:49 23.02.2022 (Yenilənib: 15:59 23.02.2022) Qeyd edək ki, Mədəniyyət Nazirliyi Xalq artisti Kamil Cəlilovun vəfatı ilə bağlı nekroloq yayıb. Nekroloqda Azərbaycanın mədəniyyət ictimaiyyətinə ağır itki üz verdiyi bildirilib.
BAKI, 23 fevral — Sputnik. Bu gün vəfat edən Xalq artisti Kamil Cəlilov ilə vida mərasimi saat 15:30-da Bakıxanov İmam Rza Məscidində baş tutacaq. Mədəniyyət Nazirliyindən Sputnik Azərbaycan-a verilən məlumata görə, mərhum bu axşam II Fəxri xiyabanda dəfn olunacaq.
Qeyd edək ki, Mədəniyyət Nazirliyi Xalq artisti Kamil Cəlilovun vəfatı ilə bağlı nekroloq yayıb. Nekroloqda Azərbaycanın mədəniyyət ictimaiyyətinə ağır itki üz verdiyi bildirilib.
Qeyd olunub ki, tanınmış qoboy ifaçısı, Xalq artisti, "Şərəf" və "Şöhrət" ordenli Kamil Cəlil oğlu Cəlilov ömrünün 84-cü ilində vəfat edib: "Kamil Cəlilov 29 yanvar 1938-ci il tarixində Bakı şəhərində anadan olub. O, Azərbaycan milli ifaçılıq məktəbinin istedadlı nümayəndəsi, özünəməxsus orijinal üslubu ilə fərqlənən mahir qoboy ifaçısı olub.
Azərbaycan Dövlət Konservatoriyasını bitirdikdən sonra əmək fəaliyyətinə başlayan sənətçi öz istedadı və zəhmətsevərliyi sayəsində qısa müddət ərzində xalq musiqi incilərini dərindən öyrənib və 40 il ərzində öz ifaçılıq məharəti ilə milli musiqimizi zənginləşdirib.
İstedadlı musiqiçi 1968-ci ildən başlayaraq uzun illər görkəmli pianoçu, Xalq artisti Gülarə Əliyevanın yaratdığı "Dan ulduzu" ansamblının solisti olub. Kollektivlə birgə Kamil Cəlilov Almaniyada, Avstriyada, Amerikada, Türkiyədə, Hindistanda, Əfqanıstanda, İordaniyada, Əlcəzairdə, Mərakeşdə, Norveçdə, İranda, İsraildə, Kanadada və dünyanın digər ölkələrində milli musiqi sənətimizi məharətlə təbliğ edib.
Uzun illər ərzində İncəsənət Gimnaziyasında pedaqoji fəaliyyətlə məşğul olan Kamil Cəlilov milli ifaçılıq məktəbinin yüksək ənənələri əsasında səy və bacarığını gənc ifaçıların yetişdirilməsinə sərf edib".
Kamil Cəlilovun milli mədəniyyətimizin inkişafında müstəsna xidmətlərinə görə dövlət tərəfindən daima diqqət və qayğıyla əhatə olunduğu vurğulanıb, onun Əməkdar artist, Xalq artisti fəxri adlarına, habelə Prezident təqaüdünə layiq görüldüyü deyilib: "Kamil Cəlilov 2013-cü ildə "Şöhrət", 2018-ci ildə isə "Şərəf" ordeni ilə təltif olunub.
Kamil Cəlilovun əziz xatirəsi sənətsevərlərin, həmkarlarının və doğmalarının qəlbində əbədi yaşayacaq.
