Планета Земля - Sputnik Azərbaycan, 1920
DÜNYA XƏBƏRLƏRİ
Dünyada baş verən ən önəmli hadisələr və aktual məqalələr

Ərdoğan nazirləri toplayır – Gündəmdə Ermənistanla bağlı məsələ də var

© AFP 2022 / ADEM ALTANTürkiyə prezidenti Rəcəb Tayyib Ərdoğan, arxiv şəkli
Türkiyə prezidenti Rəcəb Tayyib Ərdoğan, arxiv şəkli - Sputnik Azərbaycan, 1920, 19.01.2022
Xəbərlərə abunə olun
Yandex newsTelegram
Nazirlər Kabinetinin iclası zamanı həm ölkədaxili, həm də ölkəxarici məsələlər müzakirə olunacaq.
BAKI, 19 yanvar — Sputnik. Bu gün Türkiyə Prezidenti Rəcəb Tayyib Ərdoğanın sədrliyi ilə Nazirlər Kabinetinin iclası keçiriləcək. Sputnik Azərbaycan xəbər verir ki, bu barədə Türkiyə Prezident Administrasiyasından bildirilib.
Bildirilir ki, görüş zamanı Türkiyənin Ermənistan ilə danışıqlar üzrə xüsusi nümayəndəsi Sərdar Kılıçın erməni həmkarı Ruben Rubinyanla ilk görüşünün nəticələri və bundan sonra atılacaq addımlar müzakirə ediləcək.
İclas zamanı, həmçinin Türkiyə iqtisadiyyatının vəziyyəti hökumətin iclasında əsas müzakirə mövzusu olacaq. Qiymətlərin endirilməsi və inflyasiya ilə mübarizə məsələləri müzakirə olunacaq.
Türkiyə - Ermənistan rəsmilərinin Moskva görüşü
Qeyd edək ki, yanvarın 14-ü Moskvada Türkiyə və Ermənistanın xüsusi nümayəndələri arasında danışıq olub. Danışıqlar 1,5 saat davam edib. Danışıqların detalları açıqlanmır.
"Tərəflər ilkin şərt olmadan tam normallaşma məqsədilə danışıqları davam etdirməyə razılaşıblar. Xüsusi nümayəndələr arasında ikinci görüşün yeri və tarixi daha sonra diplomatik kanallar vasitəsilə müəyyən ediləcək", - Türkiyə XİN-inin görüşün yekunlarına dair məlumatında deyilir.
Ankara və Yerevan ötən ilin dekabrında əlaqələrin normallaşması prosesini başladıblar. Bunun üçün hər iki ölkədən xüsusi nümayəndələr – Sərdar Kılıç və Ruben Rubinyan təyin olunub.
Xəbər lenti
0