CƏMİYYƏT
Cəmiyyətin həyatında baş verən aktual hadisələr

Gözəl payız günü - Sabahın hava proqnozu açıqlandı

© Sputnik / Shahperi AbbasovaZaqatalaya mənzərə, arxiv şəkli
Zaqatalaya mənzərə, arxiv şəkli - Sputnik Azərbaycan, 1920, 20.11.2021
Abunə olmaq
Sabah Bakıda 15° isti, dağlarda isə dörd dərəcəyədək şaxta gözlənilir.
BAKI, 20 noyabr — Sputnik. Azərbaycan ərazisində bazar günü, noyabrın 21-də gözlənilən hava şəraiti haqda proqnoz açıqlanıb.
Milli Hidrometeorologiya Xidmətindən Sputnik Azərbaycan-a verilən məlumata əsasən, Bakıda və Abşeron yarımadasında hava şəraitinin dəyişkən buludlu olacağı, əsasən yağmursuz keçəcəyi gözlənilir. Gecə və səhər saatlarında yarımadanın bəzi yerlərində zəif duman, cənub küləyi gündüz mülayim şimal-qərb küləyi ilə əvəz olunacaq. Havanın temperaturu gecə 6-9° isti, gündüz 12-16° isti, Bakıda gecə 7-9° isti, gündüz 13-15° isti olacaq.
Atmosfer təzyiqi 757 mm civə sütunundan 763 mm civə sütununa yüksələcək. Nisbi rütubət 60-70% olacaq.
Tibbi-meteoroloji proqnoz
Noyabrın 21-də Abşeron yarımadasında meteoroloji amillərin mülayim tərəddüdü gözlənilir ki, bu da meteohəssas insanlar üçün əsasən əlverişlidir.
Azərbaycanın rayonlarında hava şəraiti əsasən yağmursuz keçəcək. Gecə və səhər bəzi yerlərdə duman olacaq.
Şərq küləyi əsəcək. Havanın temperaturu gecə 3-7° isti, gündüz 12-17° isti, dağlarda gecə 0-4° şaxta, gündüz 6-11° isti olacaq.
Xəbər lenti
0