Вид на Москву-реку, фото из архива - Sputnik Azərbaycan, 1920
RUSİYA
Rusiya Federasiyasına dair aktual məqalələr

Rusiya, ABŞ və İsrail təhlükəsizlik şuralarının rəhbərləri görüşəcək

© Photo : press service of the Israeli Embassy in RussiaПосол Израиля в Москве Александр Бен Цви
Посол Израиля в Москве Александр Бен Цви - Sputnik Azərbaycan, 1920, 16.10.2021
Abunə olmaq
BAKI, 16 oktyabr - Sputnik. Rusiya, ABŞ və İsrail təhlükəsizlik şuraları rəhbərlərinin görüşünün keçirilməsi barədə razılığa gəliblər. RİA Novosti İsrailin Rusiyadakı səfiri Aleksandr Ben Tsviyə istinadən xəbər verir ki, nəzərdə tutulan tədbirdə Suriya və İran ətrafında yaranmış vəziyyətin müzakirə olunması gözlənilir.
Görüşün nə zaman baş tutacağı Rusiya prezidenti Vladimir Putinlə İsrailin baş naziri Naftali Bennet arasında oktyabrın 22-də keçiriləcək görüşdən sonra müəyyənləşə bilər.

"Hələ ki, yalnız ideya var, görüşün tarixi və yeri hələ müəyyən olunmayıb. Biz öz tərəfimizdən nümayəndə heyətlərini qəbul etməyə hazırıq, lakin bu barədə hələ qərar yoxdur. Müzakirə olunacaq məsələlər arasında Suriya, İran və Yaxın Şərq regionuna dair məsələlər var", - deyə səfir bildirib.

Xatırladaq ki, İsrail hökuməti başçısının dəftərxanası Bennetin oktyabrın 22-də Rusiya prezidenti Vladimir Putinin dəvəti ilə Soçiyə rəsmi səfərə yollanacağını açıqlayıb.
Xəbər lenti
0