Люди на Площади фонтанов в Баку - Sputnik Azərbaycan, 1920
CƏMİYYƏT
Cəmiyyətin həyatında baş verən aktual hadisələr

Vətən müharibəsi şəhidlərinin uşaqları ilə bağlı videoçarx hazırlanıb

© AP Photo / Alex SanzÇəkliş
Çəkliş - Sputnik Azərbaycan, 1920, 29.09.2021
Uşaqların hər biri Vətənin bütövlüyü və xalqımızın möhtəşəm Zəfəri, doğma torpaqlarımızın azadlığına qovuşması uğrunda canından keçən bir igidin övladı olduğunu qürurla, iftixarla, onlara yaraşan məğrurluqla söyləyir.
BAKI, 29 sentyabr — Sputnik. Əmək və Əhalinin Sosial Müdafiəsi Nazirliyi tərəfindən hazırlanmış yeni videoçarx Vətən müharibəsində şəhidik zirvəsinə ucalmış qəhrəmanlarımızın uşaqlarından bəhs edir.
Nazirlikdən Sputnik Azərbaycan-a verilən məlumata görə, "Vətən ətirli övladlarınız bizə əmanətdir!" videoçarxı Vətən müharibəsi şəhidləri Ramid Hacıyev, Teymur Abbasov, Sədi Musayev və Rövşən Nurzadənin uşaqlarının timsalında bütün şəhidlərimizin Vətən ətirli övladlarının bizə əmanət və onların daim diqqət və qayğı əhatəsində olacaqları mesajını çatdırır.
Uşaqların hər biri Vətənin bütövlüyü və xalqımızın möhtəşəm Zəfəri, doğma torpaqlarımızın azadlığına qovuşması uğrunda canından keçən bir igidin övladı olduğunu qürurla, iftixarla, onlara yaraşan məğrurluqla söyləyir.
Qeyd edək ki, Azərbaycan 2020-ci ildə Ermənistanın təxribatlarına cavab olaraq hərbi əməliyyatlara başlayıb. Prezident, Müzəffər Ali Baş Komandan İlham Əliyevin rəhbərliyi ilə Azərbaycan Ordusu Ermənistanı məğlubiyyətə uğradaraq onu kapitulyasiya aktını imzalamağa məcbur edib. 2020-ci il noyabrın 10-da Rusiya Federasiyasının vasitəçiliyi ilə üçtərəfli Bəyanat imzalanıb. Beləliklə, ötən ilin sonlarında 44 günlük Vətən müharibəsi nəticəsində Azərbaycan ərazi bütövlüyünü təmin edib.
Xəbər lenti
0
Əvvəlcə yenilərƏvvəlcə köhnələr
loader
CANLI
Заголовок открываемого материала