Люди на Площади фонтанов в Баку - Sputnik Azərbaycan, 1920
CƏMİYYƏT
Cəmiyyətin həyatında baş verən aktual hadisələr

Gəncədə güzəştli mənzil almaq istəyənlərə şad xəbər

© Sputnik / Vitaliy Timkiv / Fotobanka keçməkРабочий на строительстве ЖК
Рабочий на строительстве ЖК  - Sputnik Azərbaycan, 1920, 20.09.2021
Vətəndaşlara güzəştli şərtlərlə təklif edilən bütün mənzillər tam təmirli olmaqla, mətbəx mebeli (qaz plitəsi və aspirator daxil olmaqla), kombi isitmə sistemi (kombi avadanlığı daxil olmaqla), su, qaz və elektrik sayğacları ilə təmin edilib.
BAKI, 20 sentyabr — Sputnik. Mənzil İnşaatı Dövlət Agentliyinin (MİDA) regionda növbəti layihəsi olan Gəncə Yaşayış Kompleksində mənzillərin güzəştlə satışı ilə bağlı tezliklə elan veriləcək.
Qurumdan Sputnik Azərbaycan-a məlumat verilib ki, bu layihə Agentliyin regionda inşa etdiyi ilk yaşayış kompleksdir.
Qeyd edək ki, Gəncə şəhəri, Azərbaycan Bayrağı küçəsində 6.23 hektar ərazidə yerləşən layihə 12 doqquzmərtəbəli və 6 onikimərtəbəli olmaqla 18 yaşayış binasından ibarətdir. Bu binalarda ümumilikdə 986 mənzil var. Bunlardan 48-i birotaqlı, 68-i studio tipli, 318-i ikiotaqlı, 466-sı üçotaqlı, 86-sı isə dördotaqlıdır.
Vətəndaşlara güzəştli şərtlərlə təklif edilən bütün mənzillər tam təmirli olmaqla, mətbəx mebeli (qaz plitəsi və aspirator daxil olmaqla), kombi isitmə sistemi (kombi avadanlığı daxil olmaqla), su, qaz və elektrik sayğacları ilə təmin edilib. "Hüquqların dövlət qeydiyyatı haqqında daşınmaz əmlakın dövlət reyestrindən Çıxarış" mənzillərə sahib olduğu andan sakinlərə təqdim ediləcək.
Ərazidə yaşayış binaları ilə yanaşı, 1176 şagird yerlik orta təhsil məktəbi və 125 yerlik uşaq bağçası inşa edilib. Ötən tədris ilində tam orta məktəb binası istifadəyə verilib.
Həmçinin MİDA-nın digər layihələrində olduğu kimi Gəncə şəhərində inşa olunan kompleksin ərazisində də yaşıllaşdırma və abadlıq işləri həyata keçirilib, sakinlər üçün istirahət guşələri yaradılıb, geniş həyətlər, uşaq oyun meydançaları istifadəyə verilib.
Gəncə Yaşayış Kompleksi haqqında hazırlanmış videoçarxı diqqətinizə təqdim edirik.
 
Xəbər lenti
0
Əvvəlcə yenilərƏvvəlcə köhnələr
loader
CANLI
Заголовок открываемого материала