Люди на Площади фонтанов в Баку - Sputnik Azərbaycan, 1920
CƏMİYYƏT
Cəmiyyətin həyatında baş verən aktual hadisələr

Azərbaycanda küncüt yığımına başlanılıb

© AR Ministry of AgricultureAzərbaycanda küncüt yığımına başlanılıb
Azərbaycanda küncüt yığımına başlanılıb - Sputnik Azərbaycan, 1920, 17.09.2021
Ölkəmiz üçün qeyri-ənənəvi bitkiçilik sahəsinin inkişafı məqsədilə fermerlərə kompleks aqrotexniki xidmətlərlə bağlı təkliflər paketi hazırlanıb.
BAKI, 17 sentyabr — Sputnik. Bu il Saatlı rayonunda 30 hektara yaxın ərazidə küncüt əkini aparılıb. Birinci və ikinci əkin kimi əkilən küncütün artıq yığımına başlanılıb. Fermer Şahmurad İmanova məxsus sahədə qəhvəyi küncüt əkilib. Nəticədə 1 hektar sahədən 12 sentner məhsuldarlıq əldə edilib. Bu barədə Kənd Təsərrüfatı Nazirliyindən Sputnik Azərbaycan-a məlumat verilib.
Ümumiyyətlə, dünyada 1 ha sahədən ən yüksək məhsuldarlıq 15-16 sentner hesab edilir. Fermerlər tərəfindən əsasən ağ və qəhvəyi küncüt toxumları əkilir, lakin ən məhsuldar və keyfiyyətli toxum qəhvəyi küncütdür. Küncüt sortları vegetasiya müddətinin uzunluğuna, məhsuldarlığına və toxumunun rənginə görə seçilir.
Kənd Təsərrüfatı Nazirliyinin tabeliyində fəaliyyət göstərən "Aqroservis" Açıq Səhmdar Cəmiyyəti bu sahənin inkişafına dəstək, həmçinin digər fermerlərin də bu sahəyə marağının artırılmasını təşviq etmək üçün bir sıra addımlar atıb. Belə ki, Cəmiyyət ölkəmiz üçün qeyri-ənənəvi bitkiçilik sahəsinin inkişafı məqsədilə fermerlərə kompleks aqrotexniki xidmətlərlə bağlı təkliflər paketi hazırlayıb. Tədbirlər planında əkin üçün lazım olacaq bütün aqrotexniki işlər, texnika, keyfiyyətli mineral gübrə və zərərvericilərə qarşı mübarizə üçün dərman təminatı ilə bağlı fermerlərə dəstək öz əksini tapıb.
© AR Ministry of Agriculture
Azərbaycanda küncüt yığımına başlanılıb - Sputnik Azərbaycan
1/3
© AR Ministry of Agriculture
Azərbaycanda küncüt yığımına başlanılıb - Sputnik Azərbaycan
2/3
© AR Ministry of Agriculture
Azərbaycanda küncüt yığımına başlanılıb - Sputnik Azərbaycan
3/3
1/3
2/3
3/3
Küncüt qeyri-ənənəvi bitki olduğu üçün fermerlərin maarifləndirilməsi və bitkinin vegetasiya müddətində düzgün qulluğun edilməsi üçün "Aqroservis" ASC Əkinçilik Elmi-Tədqiqat İnstitutu ilə əməkdaşlıq edərək bu sahələrə aqronomların ayrılması, bitkinin düzgün inkişafı üçün aqrotexniki məsələlərin həlli istiqamətində müvafiq işlər görüb.
Görülən işlərin əsas məqsədi maarifləndirmə və bu sahəyə olan marağın artırılması ilə yanaşı, texniki təminatda dəstək, iqtisadi cəhətdən daha çox əhəmiyyətli olan qeyri-ənənəvi bitkiçilik sahələrini inkişaf etdirməkdir.
Həmçinin oxuyun:
Tovuzda yetişdirilən qabaq faydalı tərəvəzdir, lakin Azərbaycanda az istifadə edilir
Xəbər lenti
0
Əvvəlcə yenilərƏvvəlcə köhnələr
loader
CANLI
Заголовок открываемого материала