CƏMİYYƏT
Cəmiyyətin həyatında baş verən aktual hadisələr

Müddətli müqavilə ilə işə qəbul olunan müəllimlərin sənəd qəbulu bu gün yekunlaşır

© Joe Raedle / Getty Images / AFPМужчина ставит подпись на документе, фото из архива
Мужчина ставит подпись на документе, фото из архива - Sputnik Azərbaycan, 1920, 31.08.2021
Abunə olmaq
Ümumi təhsil müəssisələrinə müddətli müqavilə ilə müəllimlərin işə qəbulu üçün vakansiya seçimi avqustun 24-26-da aparılıb.
BAKI, 31 avqust — Sputnik. Ümumi təhsil müəssisələrinə müddətli müqavilə ilə müəllimlərin işə qəbulu üçün vakansiya seçimi mərhələsində uğur qazanan namizədlər bu gün saat 18:00-dək zəruri sənədləri (şəxsiyyəti təsdiq edən sənədin, ali və ya orta ixtisas təhsili haqqında sənəd və ona əlavənin surəti, əmək kitabçasının əsli (olduğu təqdirdə), şəxsi səhifədə işə qəbulun nəticəsinə dair çıxarış) aidiyyəti yerli təhsili idarəetmə orqanına təqdim etməlidirlər.
Təhsil Nazirliyindən Sputnik Azərbaycan-a bildirilib ki, çıxarışı aidiyyəti yerli təhsili idarəetmə orqanı tərəfindən təsdiq olunmuş namizədlərin işə qəbulu rəsmiləşəcək. Namizədlərə sənədlərini təqdim etdikdən sonra şəxsi səhifələrinə daxil olaraq çıxarışının təsdiq olunduğunu yoxlamaq tövsiyə olunur. Müsabiqənin müddətli müqavilə ilə işə qəbul turlarında vakant yer tutduqdan sonra imtina edən namizədlərin növbəti turlarda iştirakı təmin olunmayacaq.
Xatırladaq ki, ümumi təhsil müəssisələrinə müddətli müqavilə ilə müəllimlərin işə qəbulu üçün vakansiya seçimi avqustun 24-26-da aparılıb. Seçimlərdə 707 nəfər namizəd vakant yer tutub.
Həmçinin oxuyun:
Əks göstəriş sertifikatını almaq müşkülə çevrilib, müəllimlərin isə gözləməyə vaxtı yoxdur
Xəbər lenti
0