Вид на Москву-реку, фото из архива - Sputnik Azərbaycan, 1920
RUSİYA
Rusiya Federasiyasına dair aktual məqalələr

Türkiyə Rusiyadan S-400 komplekslərinin ikinci alayının alacağına şübhə etmir - Ərdoğan

© © Serbian Presidential Press Service via APЗенитно-ракетный комплекс С-400, фото из архива
Зенитно-ракетный комплекс С-400, фото из архива - Sputnik Azərbaycan, 1920, 29.08.2021
Ankara S-400 komplekslərindən imtina etmək niyyətində deyil. Türkiyə Rusiya ilə S-400 komplekslərinin ikinci alayının alınması ilə bağlı danışıqlar aparır.
BAKI, 29 avgust — Sputnik. Ankara Rusiyadan S-400 komplekslərinin ikinci alayının alınmasının baş tutacağına şübhə etmir. Sputnik Azərbaycan Rusiya mediasına istinadən xəbər verir ki, bunu jurnalistlərlə söhbətində Türkiyənin prezidenti Rəcəb Tayyip Ərdoğan deyib.
"S-400-lərin alınması ilə bağlı heç bir şübhəmiz yoxdur. Biz Rusiya ilə həm S-400, həm də müdafiə sənayesinə dair digər məsələlərlə bağlı çoxlu addımlar atırıq. Yanğınlar söndürülən zaman biz Rusiyanın təyyarələrindən istifadə etdik. Son telefon danışığı zamanı (Rusiya prezidenti Vladimir Putinlə - red. qeydi) biz bu məsələni müzakirə etdik. Mən Rusiyaya səfər edəndə biz bütün bu məsələləri bir daha müzakirə edəcəyik", - deyə Ərdoğan bildirib.
Qeyd edək ki, Rusiya və Türkiyə arasında 2017-ci ildə S-400 raket komplekslərinin bir alay komplektinin alınması ilə bağlı müqavilə imzalanıb. Həmin hava hücumundan müdafiə sistemləri 2019-cu ilin yay-payız aylarında türkiyəyə çatdırılıb. Həmin müqavilə Türkiyə ilə ABş arasında münasibətlərdə böhrana səbəb olub. Vaşinqton bunun əvəzinə Türkiyədən Amerika istehsalı olan Patriot raket komplekslərini almağı tələb edərək, Ankaraya F-35 qırıcı təyyarələrinin satılmayacağı, habelə CAATSA-ya ("ABŞ rəqiblərinə sanksiyalar vasitəsilə qarşı fəaliyyət" haqqında qanun) uyğun olaraq sanksiyalar tətbiq olunacağı ilə təhdid edib.
Ankara isə öz növbəsində S-400 komplekslərindən imtina etmək niyyətində deyil. Bundan əlavə, Türkiyə XİN rəhbəri Mövlud Çavuşoğlu bildirib ki, Türkiyə Rusiya ilə S-400 komplekslərinin ikinci alayının alınması ilə bağlı danışıqlar aparır.
Həmçinin oxuyun:
Ərdoğan: Azərbaycan Ermənistanla sülh sazişi üçün danışıqlara başlamağı təklif edir
Xəbər lenti
0
Əvvəlcə yenilərƏvvəlcə köhnələr
loader
CANLI
Заголовок открываемого материала