https://sputnik.az/20210826/taninmis-sirkete-qarsi-is-qaldirilib-427777731.html

Tanınmış şirkətə qarşı iş qaldırılıb

Tanınmış şirkətə qarşı iş qaldırılıb

Sputnik Azərbaycan

"NORM" ASC-nin Dövlət Xidmətinə ünvanladığı müraciətində şirkətin tərəfdaşları ilə bağladığı müqavilədə qanuna zidd bəndlərin dəyişdirildiyi və gələcəkdə bu... 26.08.2021, Sputnik Azərbaycan

2021-08-26T14:27+0400

2021-08-26T14:27+0400

2021-11-17T00:02+0400

xəbərlər

iqtisadiyyat

şirkət

iş

iqtisadiyyat nazirliyi yanında antiinhisar siyasəti və istehlakçıların hüquqlarının müdafiəsi dövlət xidməti

azərbaycan

https://cdnn1.img.sputnik.az/img/07e5/08/1a/427777695_0:55:1200:730_1920x0_80_0_0_0da8c1842cecfe6c8141cbe11ba72119.jpg

BAKI, 26 avqust — Sputnik. Antiinhisar qanunvericiliyinin pozulması əlamətləri üzrə "Norm" ASC-yə qarşı iş qaldırılıb. Bu barədə İqtisadiyyat Nazirliyi yanında Antiinhisar və İstehlak Bazarına Nəzarət Dövlət Xidmətindən Sputnik Azərbaycan-a verilən məlumatda deyilir. Məlumata görə, bazarda aparılan təhlillər göstərir ki, rast gəlinən ciddi nöqsanlardan biri də bazarda hökmran mövqe tutan sahibkarların kontragentə sərfəli olmayan şərtləri məcburi qəbul etdirməsi və topdansatış zamanı alıcılar arasında bərabər şəraitin yaradılmamasıdır. Bu cür hallar isə rəqabətin məhdudlaşdırılmasına, digər sahibkarların və istehlakçıların mənafeyinə toxunmasına gətirib çıxara bilər."Bir müddət əvvəl sement və klinker bazarında aparılan araşdırmalar antiinhisar qanunvericiliyinin pozulması əlamətləri üzrə "Norm" ASC-yə qarşı işin qaldırılması ilə nəticələnib. ASC isə Dövlət Xidmətinin göstərişlərinə dərhal reaksiya verərək həmin sahədə seçim hüququnun məhdudlaşdırılması elementlərini tədricən aradan qaldırıb", - deyə verilən məlumatda bildirilib."NORM" ASC-nin Dövlət Xidmətinə ünvanladığı müraciətində şirkətin tərəfdaşları ilə bağladığı müqavilədə qanuna zidd bəndlərin dəyişdirildiyi və gələcəkdə bu cür hallara yol verilməməsi üçün müvafiq tədbirlərin görüləcəyi vurğulanıb. Bununla yanaşı, sementin topdan satışı zamanı bazar iştirakçıları üçün bərabər seçim hüququnun təmin edilməsi, digər sahibkarlar və istehlakçıların mənafeyinin qorunması məqsədilə satış şərtləri və digər aidiyyəti məlumatlar şirkətin rəsmi internet səhifəsinə yerləşdirilib və bu istiqamətdə müraciət mexanizminin asanlaşdırılması məqsədilə xüsusi bölmə yaradılıb.Eləcə də oxuyun:Metalın qəbulu, satışı sahəsində qanun pozuntuları varBaramaçılıq və ipəkçilik sahəsində yeni dövlət standartı təsdiq edilibƏtraf mühitin qorunmasına xidmət edəcək yeni dövlət standartı təsdiq edilib

2021

xəbərlər

ru_AZ

xəbərlər, şirkət, iş, iqtisadiyyat nazirliyi yanında antiinhisar siyasəti və istehlakçıların hüquqlarının müdafiəsi dövlət xidməti, azərbaycan