BAKI, 6 iyun — Sputnik. İranda güclü zəlzələ olub.
Sputnik Azərbaycan İranın "Mehr" xəbər agentliyinə istinadla xəbər verir ki, Tehran Universitetinin Seysmologiya Mərkəzinin verdiyi açıqlamaya görə, İranın İlam əyalətinin cənubunda yerləşən Salehabad şəhərində 5.2 bal gücündə zəlzələ baş verib.
Yerli vaxtla 09:24-də baş verən zəlzələnin episentrinin yerin 9 kilometr dərinliyində olduğu bildirilib.
Zəlzələ nəticəsində dağıntılar və yaralılar barədə hələlik məlumat verilməyib.
Qeyd edək ki, iyunun 2-də də İranın Kerman əyalətinin Ravər qəsəbəsində 4.6 bal gücündə zəlzələ olub. Yerin 13 km dərinliyində baş verən zəlzələ nəticəsində dağıntılar və yaralılar barədə məlumat verilməyib.
Eləcə də oxuyun: