CƏMİYYƏT
Cəmiyyətin həyatında baş verən aktual hadisələr

Azərbaycana iki ölkədən quş məhsullarının idxalı dayandırılır

© REUTERS / EMILY ELCONIN Hind quşu əti, arxiv şəkli
 Hind quşu əti, arxiv şəkli - Sputnik Azərbaycan, 1920, 08.04.2021
Abunə olmaq
Estoniya Respublikasının və Küveyt Dövlətinin bəzi ərazilərində yüksək patogen quş qripi xəstəliyi qeydə alınıb.

BAKI, 8 aprel — Sputnik. Azərbaycan Respublikasının Qida Təhlükəsizliyi Agentliyi (AQTA) tərəfindən başqa ölkələrdən respublikamızın ərazisinə keçə biləcək yoluxucu heyvan xəstəliklərindən qorunmaq məqsədilə Ümumdünya Heyvan Sağlamlığı Təşkilatından (OIE) daxil olan məlumatlar əsasında dünyadakı epizootik vəziyyətə uyğun olaraq müvafiq tədbirlər həyata keçirilir. Bu barədə agentlikdən Sputnik Azərbaycan-a verilən məlumatda bildirilib.

Azərbaycanda quş qripi ilə bağlı epizootoloji monitorinq - Sputnik Azərbaycan, 1920, 26.03.2021
CƏMİYYƏT
AQTA tanınmış restoranları cərimələdi - SİYAHI

Belə ki, Ümumdünya Heyvan Sağlamlığı Təşkilatının (OIE) məlumatına əsasən, Estoniya Respublikasının Haryumaa (Harju) və  Küveyt Dövlətinin Əl Ahmədi  (Al Ahmadi) inzibati ərazi vahidlərində yüksək patogen quş qripi xəstəliyi qeydə alınıb. Respublika ərazisinin başqa ölkələrdən keçə biləcək yoluxucu heyvan xəstəliklərindən qorunması məqsədilə OIE-nin “Quruda yaşayan heyvanların sağlamlıq Məcəlləsi”nə əsasən zonalaşma prinsipi nəzərə alınmaqla, Estoniya Respublikasının Haryumaa və  Küveyt Dövlətinin Əl Ahmədi inzibati ərazi vahidlərindən bütün növ diri quş və quşçuluq məhsullarının idxalına müvəqqəti məhdudiyyət tətbiq olunub.

Eyni zamanda, nəzarət tədbirlərinin gücləndirilməsi məqsədilə Estoniya Respublikasından və Küveyt Dövlətindən gələn, yaxud tranzitlə keçən nəqliyyat vasitələri ilə bağlı müvafiq tədbirlərin görülməsi üçün Azərbaycan Respublikasının Dövlət Gömrük Komitəsinə müraciət olunub.

Xəbər lenti
0