Ermənistanda "ötür-ötür" oyunu: baş nazir həbs qərarı verir, prezident görüşür

© SputnikПрезидент Армен Саркисян у крепости Лори берд
Президент Армен Саркисян у крепости Лори берд - Sputnik Azərbaycan, 1920, 03.03.2021
Abunə olmaq
Prezident Sarkisyan vurğulayıb ki, Silahlı Qüvvələr hər kəsin diqqət mərkəzində olmalıdır və ordu həmişə şəxsən onun nəzərində olacaq.

BAKI, 3 mart — Sputnik. Ermənistan prezidenti Armen Sarkisyan bu gün bu ölkənin Silahlı Qüvvələrinin Baş Qərargah rəisi Onik Qasparyanla görüşüb. Bu barədə Sputnik Ermənistan xəbər verir.

Tərəflər ölkədəki gərgin vəziyyəti müzakirə ediblər. Qeyd olunub ki, qəbul olunan qərarlardan asılı olmayaraq ölkənin təhlükəsizliyi və sabitliyi birinci dərəcəli əhəmiyyətə malikdir.

Prezident Sarkisyan vurğulayıb ki, Silahlı Qüvvələr hər kəsin diqqət mərkəzində olmalıdır və ordu həmişə onun şəxsən öz diqqətində olacaq.

Премьер-министр Армении Никол Пашинян, фото из архива - Sputnik Azərbaycan, 1920, 03.03.2021
SİYASƏT
Ermənistan olayları - Paşinyana göz dağı verilib və siyasətdəki inam mühiti zədələnib

Qeyd edək ki, fevralın 25-i Ermənistan Silahlı Qüvvələrinin Baş Qərargahı ölkənin Baş naziri Nikol Paşinyanın istefasını tələb edib. Bu barədə Ermənistanın Baş Qərargah rəisi Onik Qasparyan, onun bütün müavinləri, bütün böyük hərbi birliklərin idarə rəhbərləri və komandirlərinin imzaladığı bəyanatda bildirilir.

Hərbçilər qeyd ediblər ki, Ermənistan Baş Qərargah rəisinin birinci müavini Tiran Xaçatryanın istefaya göndərilməsi barədə qərarın milli və dövlət maraqları nəzərə alınmadan, yalnız şəxsi ambisiyalara əsaslanaraq verildiyini hesab edirlər. "Belə çətin şəraitdə verilən qərar dövlət əleyhinə olan məsuliyyətsiz addımdır", - deyə bəyanatda bildirilir.

Buna cavab olaraq Ermənistanın Baş naziri Nikol Paşinyan ölkənin Baş Qərargahının bəyanatını hərbi çevrilişə cəhd adlandırıb və Onik Qasparyanın tutduğu vəzifədən azad olunması barədə qərar verib.

Bundan sonra Ermənistan Prezidenti Armen Sarkisyan bu ölkənin Silahlı Qüvvələrinin Baş Qərargah rəhbəri Onik Qasparyanın işdən çıxarılması barədə qərarı imzalamayıb və onu geri, Baş nazir Nikol Paşinyana göndərib.

Paşinyan isə yarım saat sonra onu prezidentə, prezident də öz növbəsində Konstitusiya Məhkəməsinə yollayıb. Üstəlik, bu gün Nikol Paşinyan Silahlı Qüvvələrin Baş Qərargah rəisi Onik Qasparyanın həbs edilməsi barədə qərar qəbul edib.

Xəbər lenti
0