BAKI, 29 dekabr — Sputnik. Dünya şöhrətli modelyer Pyer Karden vəfat edib.
Sputnik Azərbaycan xarici mətbuata istinadən xəbər verir ki, dəb dünyasının məşhuru 98 yaşında Parisdəki xəstəxanalardan birində dünyasını dəyişib.
Pyer Karden 1922-ci ildə İtaliyada Venesiya yaxınlığındakı şəhərcikdə doğulub. Sənət karyerasına teatr rəssamı kimi başlayıb. 1940-cı ilin sonundan Kristian Diorun atelyesində işə başlayıb. Bir neçə ildən sonra isə şəxsi moda evini yaradıb.
