BAKI, 20 may — Sputnik. "Bayram günlərində evdən çıxmaq məhdudiyyətinin tətbiq edilməsi bizdə də gündəmdədir.
Türkiyənin bununla bağlı təcrübəsi var. Şənbə, bazar və bayram günlərində bəzi məhdudiyyətlər tətbiq olunur".
Sputnik Azərbaycan-ın məlumatına görə, bu sözləri Tibbi Ərazi Bölmələrini İdarəetmə Birliyinin (TƏBİB) infeksion xəstəliklər üzrə işçi qrupunun rəhbəri Vasif Əliyev bayram günlərində tətbiq oluna biləcək məhdudiyyətlətlə bağlı danışarkən bildirib.
İctimai Televiziyada qonaq olan V. Əliyev Azərbaycanda da belə məhdudiyyətin tətbiq oluna biləcəyini istisna etmədiklərini deyib: "Çünki insanlar kütləvi olaraq toplaşırlar. Türkiyədə yoluxmanın sayının azaldılması məqsədi ilə bəzi məhdudiyyətlər qoyulur. Bu, bizdə də gündəmdədir. Çox güman bayramdan öncə bu məsələyə aydınlıq gələcək".
