BAKI, 29 aprel — Sputnik. Dünyada koronavirusa yoluxanların yeni statistikası açıqlanıb. Sputnik Azərbaycan Con Hopkisn İnstitutunun saytına istinadla xəbər verir ki, dünyada koronavirusa 3 138 895 insan yoluxub.
Virusdan ölənlərin sayı 218 mini keçib. 956 min nəfər sağalıb.
Virusa yoluxma sayına görə ABŞ liderlik edir - 1 milyon 35 min nəfər. İspaniyada 232 min, İtaliyada 201 min adam yoluxub.
Ölüm hallarına görə də ABŞ liderdir – 59 minə yaxın. İtaliya 27 min, İspaniya 23 min adam ölüb.
Qitələr arasında ən çox yoluxma (1 322 784) və ölüm halı (126 431) Avropada müşahidə edilir.
Azərbaycanın sərhəd qonşuları arasında virusa ən çox yoluxma Türkiyədə (114 653), ölüm halı isə İranda (5 877) qeyd edilir.
Ölkəmizdə koronavirusa yoluxanlar 1 717 nəfərdir. 22 nəfər virusdan həyatını itirib, 1 221 nəfər isə sağalıb.
