BAKI, 23 fevral — Sputnik. Bu gün saat 09:52-də Naxçıvan stansiyasından 110 km cənub-qərbdə Türkiyə-İran sərhədində zəlzələ qeydə alınıb.
Sputnik Azərbaycan Milli Elmlər Akademiyası nəzdində Respublika Seysmoloji Xidmət Mərkəzinə istinadən bildirir ki, zəlzələ Naxçıvan Muxtar Respublikası ərazisində 3-4 bala qədər hiss edilib.
Qeyd edilir ki, 5,8 maqnitudalı zəlzələ ocağının dərinliyi 10 kilometr olub.
Xatırladaq ki, ötən gecə saat 04:43-də Qobustan stansiyasından 35 km cənub-qərbdə, Şamaxı rayonunda da 3,3 maqnitudalı zəlzələ qeydə alınıb. Zəlzələnin ocağı 1 km dərinlikdə yerləşib. Zəlzələ hiss olunmayıb.
