BAKI, 8 fevral — Sputnik. Ötən gün axşam saatlarından etibarən Türkiyənin bir çox şəhərlərində, eləcə də əsas şəhərlərdən biri hesab edilən İstanbulda qar yağıb. Sputnik Azərbaycan-ın Türkiyə mediasına istinadən xəbərinə görə, artıq şəhər bəmbəyazdır. Axşam saatlarındna başlayan qar gecə saatlarında daha şiddətli yağmağa başlayıb. Yolların bağlanmaması, avtomobillərin rahat hərəkəti üçün müəyyən tədbirlərə başlanılıb.
— NTV (@ntv) February 8, 2020
Xatırladaq ki, ötən gün Azərbaycanda da qərb küləyi Daşkəsəndə 28 m/s, Salyanda 23 m/s, Tovuzda 24 m/s, Tərtərdə 23 m/s, Naftalan, Ağstafada 20 m/s, Astarada 18 m/s, Göytəpədə 17 m/s, Şəkidə 15 m/s-dək güclənib. Göygöldə, Balakəndə, Gədəbəydə, Gəncədə, Zaqatalada, Ağstafada, Sarıbaşda, Şəmkirdə yağış yağır. Daşkəsəndə qar başlayıb. Soyuq hava kütlələrinin ölkə ərazisinə tədricən daxil olması müşahidə edilib.
— NTV (@ntv) February 7, 2020
