BAKI, 30 yanvar — Sputnik. Azərbaycanın Xalq artisti Röya Ayxanın repertuarında yenilik var.
Sputnik Azərbaycan xəbər verir ki, müğənni bu dəfə "Təmənnasız" adlı mahnı ifa edib. Mahnının sözləri, musiqisi və aranjimanı Fidan Əliyevaya məxsusdur.
"Təmənnasız" mahnısı sənətçinin rəsmi "YouTube" səhifəsində yerləşdirilib. Məlumat üçün bildirək ki, Röya yaxın günlərdə mahnını ekranlaşdırmaq haqqında düşünür.
Xatırladaq ki, bu il 38 yaşını qeyd edəcək Azərbaycanın pop ulduzu 2015-ci ildə Əməkdar, ötən il isə Xalq artisti fəxri adını alıb. Sənətçinin fəaliyyəti dövründə 48 albomu işıq üzü görüb.
