BAKI, 26 dekabr — Sputnik. "Şimal axını-2" qaz kəməri sanksiyalardan asılı olmayaraq tikiləcək. Sputnik Azərbaycan Rusiya mediasına istinadən xəbər verir ki, bunu Rusiyanın Energetika naziri Aleksandr Novak deyib.
"Borunun 160 kilometrdən az bir hissəsinin tikintisi qalır", - Novak əlavə edib.
Bununla yanaşı, nazir bildirib ki, İsveçrənin "Allseas" şirkətinin öz üzərinə düşən işi tamamlaya bilməyəcəyini demək hələ tezdir – şirkət ABŞ maliyyə nazirliyindən sanksiyalarla bağlı aydınlaşdırma gözləyir.
ABŞ Prezidenti Donald Tramp dekabrın 20-də "Şimal axını-2" və "Türk axını" qaz boru kəmərlərinə qarşı sanksiyaları nəzərdə tutan müdafiə büdcəsini imzalayıb.
ABŞ podratçı şirkətlərdən tikintini dərhal dayandırmağı tələb edib. "Şimal axını-2" boru xəttini çəkən "Allseas" işlərini dayandırıb.
