BAKI, 19 dekabr — Sputnik. Nizami rayonu Keşlə qəsəbəsində suyun verilməsində məhdudiyyət olacaq.
Bu barədə Sputnik Azərbaycan-a Azərsu ASC-dən məlumat verilib.
Bildirilib ki, Bakı şəhəri Keşlə qəsəbəsi ərazisindən keçən dəmir yollarında aparılan yenidənqurma işləri çərçivəsində içməli su xətlərinin yeri dəyişdirilir. Bununla əlaqədar 19 dekabr 2019-cu il tarixində gün ərzində Nizami rayonunun Keşlə qəsəbəsinə içməli suyun verilməsində məhdudiyyət olacaq.
Yaranmış narahatlıqla əlaqədar "Azərsu" ASC abonentlərdən üzr istəyir.
