Kamal Almuradlı, Sputnik Azərbaycan
BAKI, 18 dekabr — Sputnik. Bu gün "Barselona" öz meydanında Madridin "Real" klubunu qəbul edəcək. Sputnik Azərbaycan xəbər verir ki, İspaniya çempionatının 10-cu turunda təxirə salınmış bu qarşılaşma saat 23:00-da start götürəcək.
Hazırda "Barselona" 35 xalla turnir cədvəlinə başçılıq edir. Katalonlar 16 qarşılaşmanın 11-də qələbə, 3-də məğlub olub. İki görüşü isə meydanı sülhlə tərk ediblər. Ötən həftə "Barsa" 4 oyunluq qələbə seriyasını davam etdirə bilməyib. "Real Soseydad"la qarşılaşma 2:2 hesabı ilə bitib.
"Barselona"nın Çempionlar liqasında da çıxışı uğurlu olub. "F" qrupunda 14 xal toplayan komanda "Borussiya", "İnter", "Slaviya"nı qabaqlayaraq 1/8 finala qrup lideri kimi qatılmağı bacarıb. "Barselona" qarşılaşmaya aşağıdakı heyətlə çıxacaq:
Qapıçılar: Mark-Andre ter Ştegen, Neto
Müdafiəçilər: Nelson Semedu, Jerar Pike, Kleman Lanqle, Jordi Alba, Samuel Umtiti
Yarımmüdafiəçilər: İvan Rakitiç, Serxio Buskets, Karles Alenya, Serxi Roberto, Frenki de Yonq, Arturo Vidal
Hücumçular: Luis Suares, Lionel Messi, Antuan Qrizmann, Karles Sayol, Ansu Fati
Madridin "Real" klubu da 35 xal toplayaraq çempionatda yalnız top fərqinə görə ikinci yerdə qərarlaşıb.
Kral klubunun hesabında 10 qələbə, 5 heç-heçə və cəmi 1 məğlubiyyət var. Son turda Zidanın yetirmələri son dəqiqədə Kərim Benzemanın qolu ilə məğlubiyyətdən yaxa qurtara bilib.
"Real" Çempionlar Liqasında 1/8 finala vəsiqə qazansa da, qrupu "PSJ"-dən sonra ikinci yerdə başa vurub.
Klubun rəsmi "Twitter" səhifəsində Marselo, Lukas Vaskes, Xames Rodriqes, Eden Hazard və Marko Asensionun zədə səbəbindən sabahkı matçın heyətinə daxil edimədiyi qeyd olunub. Klub axşam keçiriləcək qarşılaşma üçün iştirak ərizəsini açıqlayıb:
Qapıçılar: Tibo Kurtua, Alfons Areola, Dieqo Altube
Müdafiəçilər: Dani Karvaxal, Eder Militao, Serxio Ramos, Rafael Varan, Naço, Ferlan Mendi
Yarımmüdafiəçilər: Toni Kroos, Luka Modriç, Kazemiro, Federiko Valverde, İsko
Hücumçular: Kərim Benzema, Qaret Beyl, Luka Yoviç, Vinisius Junior, Rodriqo.
