BAKI, 12 dekabr — Sputnik. Rusiyanın Krasnodar diyarında "Mİ-28" hərbi vertolyotu qəzaya uğrayıb.
Sputnik Azərbaycan RİA-Novosti-yə istinadən bildirir ki, vertolyotun iki nəfərdən ibarət heyəti həlak olub.
Agentliyin müsahibi bildirib ki, vertolyotun düşdüyü məkan aşkar olunub. Hərbi maşın tamamilə dağılıb.
Rusiya Müdafiə Nazirliyinin məlumatına görə, "Mİ-28" plan üzrə sutkanın qaranlıq vaxtı təlim-məşq uçuşunu yerinə yetirərkən çətin hava şəraitində Korenovsk aerodromunun yanında qəzaya uğrayıb.
Uçuş zamanı vertolyotda döyüş mərmiləri olmayıb, yer üzərində dağıntılar yoxdur.
Hadisə yerinə səbəblərin araşdırılması üçün komissiya göndərilib.
