Fransa və Türkiyə yığmaları 2020-ci il futbol üzrə Avropa çempionatının seçmə matçında heç-heçə ediblər.
“H” qrupunun Parisin “Stade de France” stadionunda baş tutmuş görüşü 1:1 hesabı ilə başa çatıb. Ev sahiblərinin heyətində Olivye Jiru (76-cı dəqiqədə), qonaqların heyətində isə Kaan Ayhan (82) fərqləniblər.
Qrupun digər bir matçında İslandiya millisi evdə Andorranı 2:0 hesabı ilə məğlub edib.
“H” qrupunun daha bir görüşündə Albaniya yığması səfərdə Moldova millisini 4:0 hesabı ilə darmadağın edib.
8 turdan sonra qrupda vəziyyət: Türkiyə - 19 xal, Fransa - 19, İslandiya - 15, Albaniya - 12, Andorra - 3, Moldova - 3.
