BAKI, 3 iyul — Sputnik. Azərbaycan Dövlət İqtisad Universitetində (UNEC) yanğın olub.
UNEC-dən Sputnik Azərbaycan-a verilən xəbərə görə, yanğın səhər saatlarında ali məktəbin əsas tədris binasındakı tədris mərkəzi otağında baş verib.
Yanğın tədris binasının birinci mərtəbəsində 36 kv metr sahəni əhatə edib. İlkin araşdırmaya görə, yanğın qısaqapanma nəticəsində baş verib. Yanğın nəticəsində tədris mərkəzindəki bir neçə avadanlığa zərər dəyib.
Hadisə yerinə Fövqəladə Hallar Nazirliyinin (FHN) yanğınsöndürən maşınları və canlı qüvvəsi cəlb olunub.
Yanğının qarşısı alınıb. Xəsarət alan olmayıb.
