BAKI, 15 iyun — Sputnik. Türkiyənin Kipr sahillərində böyük qaz yataqlarını aşkarlamaq üçün başladığı tədbirlər planı Fransa prezidenti Emanuel Makronun qəzəbinə səbəb olub
Fransa prezidenti Emanuel Makron Türkiyənin Kiprin xüsusi iqtisadi ərazisində davam apardığı axtarış planını "qanundan kənar" adlandırıb. Sputnik Azərbaycan-ın Türkiyə mediasına istinadən xəbərinə görə, Fransa prezidenti Türkiyənin bu ərazidəki fəaliyyətini sonlandırmağı tələb edib. Avropa Birliyinin üzvi olan Kiprə dəstəyini bir daha nümayiş etdirən Makron Kiprin suverənliyinə hörmətlə yanaşılmasını tələb edib.
Qeyd edək ki, Makron Cənubi Avropa ölkələri liderlərini bir araya gətirən Avropa Birliyinin Maltadakı zirvə toplantısının ardından jurnalistlərə bu haqda açıqlama vermişdi.
Xatırladaq ki, ötən aydan etibarən Türkiyə Kipr sahillərində mavi qaz axtarışlarına start verib.
