BAKI, 4 aprel — Sputnik. Məşhur gürcü rejissor Georgi Daneliya 88 yaşında Rusiyanın paytaxtı Moskvada vəfat edib.
Sputnik Azərbaycan xəbər verir ki, bunu "RİA Novosti"yə ailənin dostu, fotoqraf Yuri Rost bildirib. Faktı Rusiya Kinematoqrafçılar Birliyindən də təsdiqləyiblər.
Onun ölüm səbəbi açıqlanmır.
Qeyd edək ki, daha əvvəl ağ ciyər sətəlcəmi diaqnozu ilə Moskva klinikalarının birinə yerləşdirilən rejissor Georgi Daneliya süni koma vəziyyətinə salınıb.
Georgi Daneliya 1930-cu ildə Tbilisidə doğulub. "Mimino" (1977), "Afonya" (1975) kimi məşhur kinokomediyaları çəkib.
